Parish Katholik St Ann deka ngintu genap taun penumbuh ke-50 dalam bulan Julai

KUCHING: Parish Katholik St Ann, Kota Padawan, deka ngintu genap taun ke-50 penumbuh iya dalam siti renggat pengerami Jubilee Emas deka diatur dalam bulan Julai tu.

Atur pengerami dipun enggau pengawa muka sereta bejadika Gerija St Ann ti baru enggau sembiang bebala mayuh diuluka Archbishop ari Kuching, Most Rev. Simon Poh D.D. kena 26 Julai.

Tu deka ditangkanka pengawa nyiri paderiari Friar David Au OFM- (The Order of Friars Minor) ngagai bala paderi kena 27 Julai.

Pengawa bejualka pemakai enggau fun-fair tetiap taun, beserimbai enggau ‘ Day’ patron, St Ann deka ngatur ba Parish kena 28 ngagai 29 Julai.

Pengawa tu deka disereta peranak ari genturung pendiau sereta kandang berumah ti besemak.

Pengawa nyediaka diri ngintu pengerami ti jarang enggau besai udah dipejalai bebulan pengelama.

Kelimpah ari perengka pengangkut, tu mega nyeng- kaum semengat nyendiaka diri ba atur seminar ti berambaika jaku ‘Renewed in the Holy Spirit’ ti udah diatur berengkah ari 13 nyentuk 20 Mei 2018 tu tadi.

Tentu mega semengat semua m ensia mayuh nyadi siti pekara diadang sereta ngasuh gagit.

Pengudah betaun pengelama sampi, ngiga belanja, merambu enggau ngaga, parish nemu diri udah tuai taja enggau mayuh agi semaya dudi hari ari pengawa muka pampang Gerija St Ann ke baru.

“Semua endang diperansang datai ngemataka pengerami besejarah tu lalu bekunsika pengaga enggau raban sembiang ari St Ann, Kota, Padawan,” ku sida ba penerang berita apin lama.

St Ann ba simpang Jalai Puncak Borneo enggau Jalai Landeh.

BARU: Rampa tinjau ari atas endur St Ann di simpang Jalai Puncak Borneo enggau Jalai Landeh di Kota Padawan.

PENYIRU: Siku ari penerima ba ‘Program Outreach Ngiga enggau Mantu Orang Lunggar Umur’, Indau Anak Kuri ari Rumah Midin Saong nerima bantu pemakai ari Sekretari Politik Kepala Menteri Sarawak Tapah Ata (tujuh kiba) seraya dikemata kaban ari Gerempung Pengintu Pengelantang Pendiau Orang Lunggar Umur, Pemesai Opis Pengintu Pengelantang Rama Kapit, Peter Gabong (lima kiba) enggau Temenggong Wilfred Billy Panyau (enam ari kiba).