Malaysia baru semina beratika pemansang menua pesisir ba pekara ti kedua tauka ke enda entu dikemerat: Masing
KUCHING: Garis lalauenggau jaku tangkanti pemadu baru dikeluarka Opis Menteri Wang nengah surat rasmi apin lama, mandangka pemansang Sarawak sereta peranak Sarawak semina dikeingatka dudi ( afterthought).
Sapit Kepala Menteri ti mega Menteri Pemansang Infrastruktur enggau Perengka Pengangkut Tan Sri Datuk Amar James Jemut Masing madahka, taja pan Malaysia baru kitai nadai ngemeratka pemansang infrastruktur menua, semua pemansang infrastruktur tau dipadahka kritikal lalu enda dikemeratka lebuh bekaul enggau bajet.
Opis Menteri Wang nengah surat rasmi hari bulan 29 Jun 2018 (S/K.Kew/PK/MOF/ D/00 JLD.10 SK.6 (14)) udah meri jaku tangkan madahkasemua projek berega lebih RM10 juta enda dikeluarka Letter of Award tauka enti pemansang projek kurang ari 15 peratus deka dipejalaika nitihka tikas ti dikemeratka dulu.
“Nitihka surat rasmi ke sama, projek dibagi ngagai tiga ketegori iya nya kritikal; tengan kritikal enggau kategori enda kritikal.
“Bepelasarka surat rasmi ke sama, pemansang infrastrutur menua pesisir madahka dia semina tengan kritikal. Dalam jaku bukai, Malaysia baru meda pemansang infrastruktur menua pesisir nyadi pekara kedua, sereta dalam jaku pasar ‘ada, tak ada, tak apa’.
“Laban Sarawak ngembuan kandang menua ulu tauka menua pesisir ti besai, Sarawak enggau peranak Sarawak iya nya pekara ti pemadu nadai ditemu agi bepelasarka garis lalau nya,” ku iya.
Masing mansutka pekara nya lebuh ti nyimpul jurai Opis Menteri Pemansang In- frastruktur enggau Perengka Pengangkut ba Aum Kunsil Nengeri Ke-18 Hari Ke-7 ke diatur ba Kompleks Kunsil Nengeri ditu.
“Nama ke ngenyitka kitai ditu, dia kaban belayan sereta bala bakih di menua pesisir enda deka terus idup enggau nadai disambung enggai pasar tauka mengeri sereta putus ari pemansang,” ku iya.
Masing ti ngenang nya lebuh mayuh bala Yang Berhormat Kunsil Nengeri sereta ngagai pengarang berita pasal surat rasmi nya ke bisi disadung menteri baru ba Opis Menteri Wang nya.
Kelimpah ari nya lebuh ke ngenang pasal pengelikun ba jalai alun Masing madahka model pelajar pengelikun jalai alun baru deka diberikelala ba semua sekula primari lebuh manggai taun 2019.
Nitihku iya, modul nya deka dipasukka dalam subjek Jaku Melayu (BM) dikena nambah penyedar pasal pengelikun ba jalai alun.
“Modul tu deka mungkur grafik, kod jalai besai enggau garis lalaupengelikun lalu ke bukai deka diajar dalam timpuh dua hari seminggu ari pengajar pengelikun jalai alun telatih ungkup 1,264 sekula primari serata Sarawak.
“Kelimpah ari singkang injiniring enggau neritka adat ba jalai alun, pelajar mega amat beguna dalam pengawa nempa ulah rebak biak ngambika ulih nyadi orang ke nepan mutusikal, deriba, penumpangenggau pejalai kaki ti bisi tanggungpengawa,” ku iya.
Berebak enggau tu Masing madahka ba taun 2018 opis menteri nya deka terus bejalaika sekeda projek intervensyen menua pesisir ti bisi empas tinggi baka pengawa ngemanahka 33 buah sekula menua pesisir ke udah tuai sereta jai enggau 29 buah klinik menua pesisir ti tuai sereta udah jai.
Entara ke bukai ku iya, deka nyendiaka 15 Rural Clinic Visiting Doctor ( RCVD) teams ngena kereban perubat sereta perengka pengangkut ti manggai urung RM2.17 milion sereta mayuh agi projek ke meri empas tinggi ke bukai deka terus dipejalaika, ku iya.
Bepelasarka surat rasmi ke sama, pemansang infrastrutur menua pesisir madahka dia semina tengan kritikal. Dalam jaku bukai, Malaysia baru meda pemansang infrastruktur menua pesisir nyadi pekara kedua, sereta dalam jaku pasar ‘ada, tak ada, tak apa’. Tan Sri Datuk Amar James Jemut Masing Sapit Kepala Menteri