Laban MA63 nya Sempekat Antarabansa ti direjista enggau Gerempung Bangsa-Bangsa Bersatu
KUCHING: Sempekat Malaysia 1963 (MA63) enda ulih dikemanahka pia aja, baik nya nengah Komiti Kabinet Khas tauka ke bukai.
Tang perintah besai semina patut nitihka sempekat nya lalu enda ibuh ngemanahka nya, berandau, nyerenih tauka ngemetulka iya.
Presiden Parti Reformasi Sarawak (STAR) Lina Soo madah, MA63 udah diperunding, disain enggau dichap kena 9 Julai 1963, tang enda kala dikeamat.
Nya kebuah ku iya, pengawa meresa baru enda ulih dipejalai enti nadai semua menua ti nyain baka Britain, Malaya, Sarawak, Sabah enggau Singapore, nikal baru baum.
“Dokumen ti mati enda ulih diidupka baru semina enggau pengawa numbuhka komiti khas. Tu semina masau hari enti nadai pengingin politik menua ti nyain,” ku iya nengah siti penerang, kemari.
Iya ngenang senentang penerang ke pemadu baru ari Menteri Undang-Undang, Datuk Liew Vui Keong, ke alai deka bisi Komiti Kabinet
Dokumen ti mati enda ulih diidupka baru semina enggau pengawa numbuhka komiti khas. Tu semina masau hari enti nadai pengingin politik menua ti nyain. Lina Soo Presiden Parti Reformasi Sarawak
Khas ti ditumbuh dikena nimbal langgur penemu Menteri Besai, Tun Dr Mahathir Mohamad ngambi ngemanahka MA63.
Nitih ku Soo, Liew nadai ngembuan kuasa gawa ngatur MA63, ti nyadi Sempekat Antarabansa ti direjista enggau Gerempung BangsaBangsa Bersatu.
“Menteri Undang-Undang enggau Komiti Kabinet Khas nya enda ulih mutarka atur pengawa multilateral antarabansa ti begunaka penyereta Perintah Britain, Malaya, Sabah, Sarawak enggau Singapore,” ku iya.
Ku iya nambah, enti sema MA63 agi sah, pekara ti patut digaga Perintah Besai iya nya nurutka semua ti dipadah dalam sempekat nya.
“Enda ibuh berandau agi, ngelansa enggau ngemetul,” ku iya.