Fauziah nemuai seraya bekimpin ngulihka sukung di Sarawak

MIRI: Kaban Parlimen ( MP) Kuantan ke mega Mandal Presiden Parti Keadilan Rakyat (PKR), Fauziah Salleh ti ngirai diri nyadi chalun Ketuai Indu PKR Menua ba pengawa bepilih parti ti deka datai, diatu bisi di Sarawak ba pejalai bekimpin minta sukung ari raban indu ditu.

Ketuai Indu PKR Sibuti, Zulhaidah Suboh ti mega ngirai diri nyadi chalum Exco Komiti Indu Besai PKR bisi datai beraban ngulu aum bala ketuai pampang indu PKR di Kuching kemari.

Program ‘ Hi- Tea’ diatur Ketuai Indu PKR Ptera Jaya, Normaida Mustapha.

Bala ketuai indu PKR ti bisi datai rambau gempuru iya nya ari Petra Jaya, Santubong, Samarahan, Batang Sadong, Serian, Puncak Borneo, Serian, Betong, Miri, Sibuti, Santubong, Serian, Julau, Sibu, Kanowit, Kapit, Lubok Antu enggau Bintulu.

Nitih ku Fauziah Salleh, belalauka pun pekara dikemerat enggau ngaku ke alai tanggungpengawa dikena nempa penyedar enggau negapka raban indu nuju penyulut ti patut diperati begulai sebaka enggau bala bakih lelaki.

Iya mega nerangka tuju ngirai diri empu bediri minta pilih mangku pengawa Ketuai Indu PKR enggau perambu iya dikena ngangkatka raban indu ngagai tikas tinggi agi ba menua tu.

Beserimbai enggau program nya, Zulhaidah Sub- oh, chalun EXCO Besai Indu madahka iya deka ngangkatka enggau penau raban indu ba pengawa meri kuasa enggau langgur penemu kolektif.

Nambahka penyereta enggau kaul raban indu ba politik kelebih agi ba Sarawak berindik ari pengawa bepilih nengeri Sarawak ti deka diatur dalam taun 2021 nengah perambu dikena merambu,ngatur bejalaika program ba pampang diarika sida, ku iya madah nyemetak.