Program ‘Sarawak Shell LiveWIRE’ deka diatur baru
KUCHING: Program ‘Sarawak Shell LiveWIRE’ diatu datai baru sereta nesau semua pedagang di Sarawak ngambi nyadi sebagi ari inisiatif tu, ti tau ngubah pengidup sida dudi hari.
Dipunka dalam taun 2016, program tu mantu pedagang ti keran ngepun enggau ngerembaika langgur penemu dagang ba mayuh macham chara.
Tetiap iku pedagang ti ngulu program tu deka diembing ba beberapa renggat bengkel dikena mantu sida mansutka penemu dagang, nguji model dagang enggau nyikap sida nyadi kaban dagang ti mujur.
Ujung program bala pesereta deka diasuh bepekit, ti nagit ngiri pengelandik ngagai bedagang ngerembaika dagang sida.
Lima pemenang deka dipilih, ngerebut geran RM10,0000 kelimpah bela diembing ngepunka dagang, ari bala fasilitator ‘Sarawak Shell LiveWIRE’ ba timpuh tiga taun udah nya.
Naka diatu, nyauka 150 iku pedagang udah ngulu program tu.
Program ‘ Sarawak Shell LiveWIRE’ 2018 deka dipunka enggau woksyop ‘Bright Ideas’ di Kuching ( 15 September), Miri ( 22 September) enggau Bintulu (30 September).
Enti kita peranak Sarawak ti beumur 18 taun enggau tuai agi sereta keran deka ngulihka penemu dagang nyadi nyata, kita tau ngerejista diri nengah livewire.shell. com.my enggau ‘live your dream!
Penerang silik tau ditanya nuju Alvin Chia ba Alvin. Chia@shell.com. KUCHING: Pesta Tasik Biru Bau ulih nyadi sebengkah ari produk dagang temuai lalu dipasukka ke dalam kalender dagang temuai Sarawak.
Berindik ari pekara nya Menteri Dagang Temuai, Seni, Main Asal, Nembiak enggau Lumba enggau Main, Datuk Abdul Karim Rahman Hamzah minta raban pengatur Pesta Tasik Biru Bau beratika pekara nya.
Abdul Karim madahka Pesta Tasik Biru nya ulih dikelakuka ngagai menua tasik sereta dipasukka ke dalam kalender dagang temuai baka
Ke bendar Pesta tu udah ditemu orang sereta endang lama udah diatur, tang semina enda tentu teratur. Datuk Abdul Karim Rahman Hamzah Menteri Dagang Temuai, Seni, Main Asal, Nembiak enggau Lumba enggau Main
Rainforest World Music Festival, Borneo culture Festival di Sibu, Kuching Marathon, Kuching Jazz Festival, Borneo Jazz Festival di Miri enggau ke bukai ti udah ditetapka timpuh iya empu.
“Ke bendar Pesta tu udah ditemu orang sereta endang lama udah diatur, tang semina enda tentu teratur.
“Nya alai aku meri perambu ngagai pengatur ngambika ditetapka ninting taun, bulan berapa sereta minggu ke berapa enda tau enda diatur awakka nyamai kitai ngatur program ke dalam kalender dagang temuai.
“Enti ulih Pesta Tasik Biru patut diatur baka nya, kitai deka nyadika iya haribulan ke pemadu beguna,” ku iya dalam aum pengarang berita, kemari.
Dulu ari nya Abdul Karim nerima penemuai basa ari komiti pengatur Pesta Tasik Biru Bau 2018 ti betuaika Kaban Kunsil Nengeri (ADUN) Tasik Biru, Datuk Henry Harry Jinep ba opis iya di Bangunan Baitul Makmur ditu.
Bejaku baru iya madahka enti tetiap program lebih agi bekaul enggau dagang temuai enti bisi timpuh ke udah ditetap sereta dipasukka ke dalam kalender deka ulih matak temuai datai ke nengeri tu.
“Kitai benung bebendar deka ngangkatka Pesta Tasik Biru bau ngagai renggat lebih tinggi awakka ulih matak temuai ari menua luar.
“Nya kebuah kitai benung matau sereta nguji ngemanahka agi program nya ngambika slot program tu (Pesta Tasik Biru) nyadi palan dagang temuai ulih dibai sereta dikelaluka lebuh ke menua bukai,” ku iya.
Lebuh ke ngenang pasal atur program Pesta Tasik Biru Bau 2018, Abdul Karim madahka pengawa gempuru Motosikal Bekuasa Beesai Bau 2018 enggau Pekit Nemuai Basikal entara atur program ke disadang narit mensia mayuh kelebih agi ari luar menua Bau datai ngagai Pesta Tasik Biru Bau 2018.
Iya madahka Pesta Tasik Biru ( sebedau tu dikelala enggau Jong Festival) deka diatur 28 - 30 Septmber 2018 ba Tebing Tasik Biru, Bau.
“Ba hari ketiga Pesta Tasik Biru, Gempuru Raban Ke Ngema Mutosikal Bekuasa Besai Bau diatur, enti taun nyun kemari baka ke dipadahka ngagai aku bisi lebih ari 1,000 ngempu mutosikal bekuasa besai datai ke Bau ti betuaika YAB Kepala Menteri.
“Taun tu mega aku arap bendar nya mega ulih narit mayuh sida ti ngempu mutosikal bekuasa besai datai ke Pesta Tasik Biru, laban Kuching enggau Bau enda tentu jauh, lalu tambah mega sehari nya mega Hari Minggu.
“Atur program baru mega bisi diatur ba hari ke penudi iya nya ‘Pertandingan Jelajah Basikal’. Aku meda basikal tu ulih narit mayuh peranak Sarawak laban tu sebengkah lumba enggau main ti kena ngelantangka diri ke chukup manah ti mungkur diri sebilik,” ku iya.
Soft-launching Pesta Tasik Biru Bau 2018 kena 28 September (Hari Lima) dipelabaka dipenyadika Kaban Kunsil Nengeri ( ADUN) Opar, Ranum Mina, lalu hari bejadika Pesta Tasik Biru Bau 2018 deka dipenyadika Abdul KArim empu enggau pengawa nangguh deka dipenyadika Menteri Muda Perengka Pengangkut Datuk Dr. Jerip Susil.
Nambahka nya pekit enggau main Video Games mega bisi diatur, kelimpah ari Jong Regatta, pengawa pemandang ari ejensi perintah/peribit/Gerempung Ukai Dikuasa Perintah; pengawa bejual asil betanam betupi, pengelandik jari enggau tepa @FAMA “MY BEST BUY”; licha kelimpah ari konsert enggau ke bukai.