Shell deka ngemansangka program pengelandik begulai enggau KV Bintulu nengah Projek Link
BINTULU: Shell MDS Malaysia deka nampung program ngemansangka pengelandik nengah Projek Link enggau Kolej Vokasional Bintulu (KV Bintulu) dikena bejalaika program welding industri.
Program tu naka tu diperati pemujur besai ngagai SMDS ti nyadi game changer ngagai raban nembiak di Bintulu.
Pengawa ngemaruka sain Sempekat Pemereti Ati (MoU) udah diatur ba Hotel Parkcity Everly kena lemai Hari Satu lalu dikemataka Kepala Menteri Datuk Patinggi Abang Johari Tun Openg.
Pengawa besain diatur beserimbai enggau Ngintu Genap Taun Ke-25 SMDS udah bejalaika gawa di Bintulu ti ngelaika bakih kunsi timpuh panjai enggau KV Bintulu.
SMDS udah nyadi kaban kunsi enggau KV Bintulu bejalaika program kenyau ari taun 2012.
“Kenyau ari dipun dalam taun 2012, Projek Link udah nyaup peranak biak Sarawak nambahka pengelandik sida empu, nempa nyauka 100 setipikit welders industri ti udah mujur ba mayuh bengkah kompeni dalam enggau luar menua Malaysia,” ku Chairman Shell Malaysia, Datuk Iain Lo.
Memorandum Sempekat udah disain entara Opis Menteri Pelajar Malaysia enggau Shell MDS Malaysia dalam taun 2012.
Tuju nya dikena nyukung juluk Bintulu deka nyadi mengeri industri enggau orang gawa teknikal ti ulih gawa enggau tetangkupka pengawa.
Program tu dikena matih raban welders dalam 6G welding. Bisi 25 iku nembiak datai ari menua Bintulu lalu Sarawak diperansang ngambi bagi dalam program enggau nadai ngaul belanja.
Deka nadai ubah ngenyit ngagai chara bejalaika program. Taja pia, SMDS deka disikap enggau fasilitator ti deka madah enggau terang pekara pasal pengelikun diri enggau pengelikun endur gawa, peransang diri, pengerembai diri enggau pemansang nyadi ketuai.
Program deka nampung tagit nembiak sekula ti lemi ba akademik enggau sida ti enda tetangkupka bayar latih ti datai enggau bayar ti ke- lalu tinggau enggau belanja bukai, ti begunaka sukung ari individual.
Latih pengelama 10 bulan, berengkah ari bulan Febuari nyentuk Disember ninting taun.
Kenyau ari taun 2012, SMDS udah beranakka puku urung RM1.04 juta ungkup program tu ( nyengkaum 2018).
Shell MDS Malaysia iya nya nyerungkai awak ngagai bakih enggau KV Bintulu ngepunka program latih scaffolding ungkup industri minyak enggau gis, nagit raban nembiak Sarawak enggau sida ti lepas sekula lalu tu agi dikerandau.
Sama bisi datai ba pengawa besain iya nya Direktor Ngatur Pengawa SMDS Omar Sheikh, Menijar Besai SMDS Tom Wong, Direktor Bagi Pekara Pelajar Teknikal enggau Vokasional, Opis Menteri Pelajar, Zainuren Mohd Nor enggau Direktor KV Bintulu Jamali Mohamad.