Hak pengereja pengawa deka dijamin enti bisi gerempung ti ngemeratka pekara nya
KUCHING: Hak pekereja peribit ti diketu gawa tauka dibuai kereja ari pengaji tejamin agi enti bisi gerempung ngintu nasit enggau hak sida.
Pia ku Presiden Uni Malaysia Labour Centre (UNIMLC), Datuk Mohamed Shafie BP Mammal seraya nambah, gerempung tu bejalaika tanggungpengawa negika bemacham chara dikena mantu pekereja.
“Enti kompeni nya bisi gerempung chara sida gawa bebida amat iya nya gerempung deka berandau enggau raban ngatur pengawa lalu betanya nama kebuah pekereja nya deka diketu gawa.
“Ti kedua, meseti bisi bukti ti diberi raban pengatur pengawa laban kitai deka nanya baru sekalika pengaji agi tau ngambi baru orang nya bekereja.
“Baka enti sema endur gawa nya enda engkeman tauka iya deka ditutup sida tau matih baru orang tu ba dalam opis tauka bagi pengawa bukai dalam sarikat ti sama.
“Pekata ti ketiga, enti siti tauka dua enda ulih dikena, sarikat patut kebuah teguh ulah ngetuka nya ba pekara sekalika sarikat nya napi pengerugi enggau maya rugi enggau bukti,” ku iya rambau aum pengarang berita ba Pengawa Bejadika Aum Besai Tiga Taun Sekali Delegasyen Ke-11 Gerempung Pekereja Telekom Malaysia Berhad Sarawak ( UTES) kemari.
Pia mega ku Shafie, gerempung mega bisi peluang mai kes nya ngagai Jabatan Perhubungan Perusahaan enggau Jabatan Tenaga Kerja ngambika atur bukai dipejalai kelimpah ari tiga chara nya enda dikena lalu semua tepantup ati ke alai pekara pampas nya deka dikerandau.
“Pengaji enda tau sepeneka ati nejuka pekereja pia aja lalu sida patut mayar pam- pas, tu pekara beguna amat,” ku iya madah nyemetak.
Berebak enggau nya, sida ti nadai gerempung tau ngeripot pekara nya ngagai Jabatan Perhubungan dan Perusahaan di baruh Seksyen 20 Akta Perhubungan Perusahaan.
“Taja pia, enda deka nerima jamin sentang isu tu baka sida ti hak iya dijaga di baruh gerempung sekereja.
Penyampau iya agi di baruh 10 peratus, tang pengaji dilalau anang beambi ulih bebuaika pekereja sida sepeneka ati.
Pengaji patut meretika pekara pekereja ti dibuai tauka diketu gawa, sida bisi ruang bilik enggau gaji ti diulih ukai ungkup sida kediri aja, ku iya nandu.
Taja pia iya enda nulak nyangka bisi pengaji ti enda berundingka pekara tu lalu deka muai pekereja sida sepeneka ati.