Persatuan Prihatin Pembangunan Insan bisi ngatur ‘Program Bimbingan Ekspres SPM’
KUCHING: Persatuan Prihatan Pembangunan Insan, Kuching ngatur ‘ Program Bimbingan Ekspres SPM’ ( Sijil Pelajaran Malaysia) 2018, di kandang mengeri tu sepemanjai bulan Oktober ke deka datai tu.
Chairman serakup nya, Maliah Adenan nya dikena nyaup sereta mantu nembiak ke ngambi peresa nya kelebih agi raban ‘asnaf’ enggau ke kurang penatai pemisi.
Iya madahka program ti sebaka mega bisi diatur ungkup nembiak ke ngambi peresa PT3.
“Program tu diatur nyadi aktiviti tiap taun dikena mantu anak dalam raban asnaf sereta ke baruh penatai pemisi, ti ngiring sereta lalau enggau enda bebayar.
“Tu dikena mantu nembiak ke ngambi peresa ngambika lebih berkeyakinan, laban pengajar ke disediaka kami ukai semina sida ti ngembuan pematut enggau peneleba tang mega diaku HRDF penau enggau pemandai Malaysia,” ku iya madah ngagai Utusan Borneo.
Nambahka nya, iya madahka gerempung ngarapka nengah program ti baka nya ulih ngangkatka penyulut pelajar nembiak ke lalu ulih mantu ngangkatka pemanah pemutus ba renggat nengeri.
Sebedau tu ku iya, gerempung nya mega udah tiga kali bejalaika program ti sama ungkup nembiak ti ngambi peresa UPSR, ti nyengkaum dikangau mantu nembiak Primari 6 ari baruh Lembaga Kebajikan Anak-Anak Yatim Sarawak enggau ke penudi ba Taman Sri Harmoni.
“Kami beterima kasih ngagai perintah nengeri kelebih agi YB Dato sri Fadillah Yusof laban ti nyukung pengawa ke dipejalaika ke pemansang nembiak, nengah pengawa meri belanja,” ku iya.
Ngagai sebarang sapa ke bisi ati bekaul enggau program tu tau betanya ngagai raban pengatur program ba lumur 014-3716539.