Haribulan mantaika reta menteri, kabinet parlimen diinsur SPRM Kebuah Haribulan tu diinsur laban semua kaban kabinet enggau Parlimen bedau genap tiga bulan bejalaika pengawa diri

KUALA LUMPUR: Rintai penerang reta kaban kabinet enggau kaban Parlimen ke patut dipandang ba portal Komiti Nagang Makai Suap Malaysia (SPRM) kena 1 Okt tu diinsur ngagai 15 Okt.

Ketuai Komiti SPRM Datuk Seri Mohd Shukri Abdull madah, kebuah nya diinsur laban semua kaban kabinet enggau kaban Parlimen bedau genap tiga bulan bejalaika pengawa diri.

“Enti nitih 1 Okt tu tang kami nginsur dua minggu ngagai 15 Okt endur semua kaban kabinet enggau parlimen madahka penerang reta sida.

“Rintai reta tu deka disua ngagai Menteri Besai (Tun Dr Mahathir Mohamad) enggau piak SPRM sebedau kami ngayanka iya ba Portal SPRM,” ku iya madah ngagai pemberita pengudah pengerami deklarasi enggau nyaip danji beresi ari makai suap ketuai-ketuai opis Gempung Berita Nasional Malaysia (Bernama) ditu, kemari.

Kenu ku iya, naka tu penerang pasal reta enda nyengkaum kaban kunsil nengeri ( Adun) enggau ketuai ba renggat nengeri.

Iya madah proses ngisi pom reta nya senang tauka enda lama laban semina

Enti nitih 1 Okt tu tang kami nginsur dua minggu ngagai 15 Okt endur semua kaban kabinet enggau parlimen madahka penyampau reta sida. Datuk Seri Mohd Shukri Abdull Ketuai Komiti SPRM

ngisi sekeda penerang baka keresa rumah, entukar enggau sekeda ke bukai rega reta ke dikembuan.

“Aku ngarap dalam timpuh dua minggu tu, iya ulih digaga jampat laban pom nya chukup mudah...nama kebuah mesti diterang reta laban sebedau tu udah disemaya lalu semaya nya mesti dikeamat,” ku iya.

Pengudah 15 Okt, ku iya, semua nama kaban kabinet enggau kaban parlimen ke udah nerangka reta sida dalam portal SPRM deka dibantai awak dipeda mensia mayuh.

“Kami minta...enti enda nerangka reta pengudah haribulan nya, kami ulih nemu sapa ke nadai nerangka reta diri, taja nadai sebarang atur undang- undang ulih digaga,”ku iya.

Kenu ku iya, naka sehari tu kaban kabinet enggau parlimen ti mantaika reta sida kelalu mimit. — Bernama

— Gambar Bernama SEMAYA KAMI: Ketuai Pemesai Eksekutif Gempung Berita Nasional Malaysia (BERNAMA) Datuk Zulkefli Salleh (dua, kiba) enggau Chairman Bernama Datuk Seri Azman Ujang (kiba) ngarika Bernama besemaya Enda Makai Suap seraya dikemataka Ketuai Komiti Nagang Makai Suap Malaysia (SPRM) Datuk Seri Mohd Shukri Abdull (dua, kanan) enggau Sapit iya, Datuk Shamsun Baharin Mohd Jamil.