Apai indai patut seruran nyukung institusyen KEMAS
KUCHING: SCORE kenyau ari ditumbuhka udah mai pemeranak puku sepenyampau RM33.64 bilion sereta nyendiaka peluang gawa ngagai rayat nengeri tu.
Ketuai Pemesai Eksekutif RECODA (Kaunsil Pemansang Koridor Kandang Menua), Datuk Ismawi Ismuni madahka sepemanjai timpuh 10 taun ke udah SCORE nyadi sinonim enggau industri sereta pemansang.
SCORE berupai mantu pengawa pemansang Sarawak dalam ngangkatka penumbuh ekonomi ngagai tikas ti lebih tinggi, ku iya.
“Sehari tu aku enggau temegah ati madahka SCORE diatu nyadi palan ti dipilih pemeranak puku menua tu enggau menua luar lebih agi ba Taman Perindustrian Samalaju.
“Kenyau ditumbuhka ba taun 2008, SCORE udah mai pemeranak puku sepen- yampau RM33.64 bilion ke nengeri tu, ti nyendiaka lebih 17,093 batang pengawa ngagai peranak menua tu,” ku iya.
Ismawi mansutka pekara nya dalam jaku pengelalu program RECODA Big Bike enggau Kepala Menteri Datuk Patinggi Abang Johari Tun Openg nyerumba pengerami ngintu genap 10 taun SCORE ditumbuhka, ti diatur RECODA ba BCCK ditu, kemari.
Bejaku baru iya madahka RECODA bejalaika tanggungpengawa besai dalam pengawa ngemansangka infrastruktur asas dikandang endur SCORE ti nembuka lebih 205 KM jalai alun.
Nitihku iya diatu benung dalam proses ngaga jalai nyambung 73 KM RM1.4 bilion ngagai Baleh HEP.
“Kami deka ngaga mayuh agi jalai, ti lebih 1,000 KM deka digaga nyambungka menua pesisir dalam kandang ke dibungkur SCOR lebih agi ba tiga ejensi pemansang kami, Agensi Pembangunan Hulu Rajang (URDA), Agensi Pembangunan Tanah Tinggi (HDA) enggau Agensi Pembangunan Wilayah Utara (NRDA).
“Tu semina 10 taun keterubah dalam pejalai SCORE.
“Nengah 3 ejensi pemansang ke dibai Kepala Menteri, kami melabaka tikas pemansang ti lebih jampat di kandang menua pesisir ari tengah ngagai wilayah utara Sarawak,” ku iya seraya ngarapka jemah ila ulih ngatur program ngena motosikal bekuasa besai ngagai kandang endur nya.
Bekaul enggau program nya, bisi 125 iku deriba motosikal berkuasa tinggi nyengkaum Ismawi kelimpah ari sama dipasuk Abang Johari, Datuk Bandar Dewan Bandara Kuching Utara (DBKU) Datuk Abang Abdul Wahap Abang Julai enggau Kaban Kunsil Nengeri Demak Laut Dr Hazlan Hipni enggau ke bukai.
Program ngena motosikal bekuasa besai nya diatur ulih RECODA enggau kerejasama DBKU. SIBU: Apai indai diperansang seruran nyukung institusyen Opis Pemansang Raban Bansa (KEMAS) nyadi institusyen ti nyeridi bala anak sida ba renggat pra sekula.
Direktor KEMAS Nengeri Sarawak, Mohd. Zamri Mustajap madahka, KEMAS ngembuan mayuh perambu dudi hari dikena nambahka pemanah pelajar ngagai bala nembiak pra sekula.
“Ngarika raban KEMAS Sarawak, aku meri terima kasih ngagai apai indai ti udah ngelempaika pengandal ngagai KEMAS ngelama tu nyeridi bala anak sida,” ku iya.
Zamri mansutka jaku nya lebuh bejaku bejadika Majlis Anugerah KanakKanak Tabika KEMAS P.211 Lanang 2018 di sebuah hotel ditu ensana.
Sama bisi datai Pemesai KEMAS Bagi Menua Sibu Napsiah Suhaili sereta Penyelia Kanan KEMAS P. 211 Lanang, Bangi Mujap.
Nitih ku Zamri, raban kemas nagit semua pengajar tabika KEMAS tauka pemaju komuniti ngembuan abis nadai diploma datai ba taun 2020.
“Kelimpah ari nya, ari sukut kokurikulum, kitai mega ngemeratka pengawa ngajar Jaku English ba renggat pra sekula.
“Kitai deka nganjung pemaju komuniti tu ngulu
Kenyau ditumbuhka ba taun 2008, SCORE udah mai pemeranak puku sepenyampau RM33.64 bilion ke nengeri tu, ti nyendiaka lebih 17,093 batang pengawa ngagai peranak menua tu. Datuk Ismawi Ismuni Ketuai Pemesai Eksekutif RECODA
kus chara intensif ngambika sida ulih nyeridi bala anak enggau meruan agi,” ku iya nerang seraya nambah, KEMAS mega enda ngelaung nuju jeman Ke-21 enggau ngemeratka pekara sains enggau teknologi.
Berebak enggau nya, Zamri dekaka produk tauka lepas tabika KEMAS ulih nguji bala anak ari bemacham kelas bukai maya datai ba Primari 1.
“Dikearap pekara ti udah dipelajar ulih dibantai manah agi pengudah tama kelas sekula primari,” ku iya.
Zamri mega meri tabi puji ngagai semua pemaju komuniti ti udah mujur nyeridi bala nembiak tadika enggau manah.
“Ba KEMAS, kitai meri bemacham pengelandik ngagai bala pengajar ke alai sida ukai semina ngajar aja tang mega mungkur kesemua pengawa ari sukut pelajar enggau pengawa luar.
“Bala pengajar nyadi ketuai ba pengawa lumba, tanda enggau ke bukai. Sida mega ngaul diri ba aktiviti komuniti ba genturung pendiau,” ku iya nambah.
Sepenyampau 315 nembiak mit ari 34 tabika KEMAS di Parlimen P.211 Lanang udah nerima setipikit enggau perais ensana.