Tu agenda besai maya mantaika bajet nengeri ba aum DUN ti deka meri bantu ke anak mit peranak Sarawak ti ada berengkah 1 Jan 2019
MUKAH: Urung 40,000 anak mit peranak Sarawak deka nerima bantu ti besai ari perintah nengeri berengkah ari Januari 2019.
Menteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit Dato Sri Fatimah Abdullah madahka pekara tu antara agenda besai pengawa mantaika bajet nengeri maya aum Kunsil Nengeri ti deka datai.
“Perintah nengeri udah setuju meri bantu ngagai genap iku anak mit peranak Sarawak ada kena 1 Januari 2019,” ku iya ba Majlis Graduasi Dan Anugerah Kecemerlangan Akademik Pelajar 2018 Sekula Sekondari (SMK) Oya kilah ensana.
Ku iya, bantu nya nadai beleman lalu deka diberi ngagai genap iku anak mit ba Sarawak tu.
Pasal penyampau bantu enggau penerang silik bukai apin ulih dikelala dataika
Perintah nengeri udah setuju meri bantu ngagai genap iku anak mit peranak Sarawak ada kena 1 Januari 2019. Dato Sri Fatimah Abdullah Menteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit
pekara tu dibantai ba bajet ila.
“Nadai ngira bansa, pengarap, diau ba kandang menua ulu tauka mengeri, mesekin tauka kaya, perintah nengeri tetap deka meri bantu tu,” ku iya nandu.
Tuju bantu tu dikena mantu bala anak nyendiaka diri napi renggat pelajar tinggi agi tauka maya bekereja.
Pekara tu mega nganyanka perintah nengeri endang siruka tetiap orang gawa ti penau ba nengeri tu.
Nya alai ku iya, bantu semina tau dipansut maya umur sida manggai 18 taun.
Ngelansa pasal pengawa se- hari nya, iya madahka tu kelai pemujur ba sekula ngagai bala nembiak enggau pemujur sida patut dirami.
Sama bejaku Prinsipal SMK Oya Malihah Sirat.