Perintah baru Pakatan Harapan ke udah enam bulan megai Putra Jaya dikearap badu agi nyalahka perintah ke dulu suba: Annuar
KUCHING: Menteri Muda Pelajar, Sains enggau Teknologi Dr Annuar Rapa’ee minta perintah besai terus ransing bejalaika pengawa sida lebih agi ba pengawa bekerejasama enggau perintah di nengeri tu.
Ku iya, perintah Pakatan Harapan (PH) ke udah enam bulan megai
Putra Jaya nyadi sebuah perintah baru enda patut nyalahka perintah ke dulu suba.
“Umbas mih belaya sereta ngiga penyalah. Fokus mih ngagai tanggungpengawa ke patut digaga ungkup rayat,” ku iya rambau aum pemberita ba Bilik Pemberita di Begunan Kompleks DUN ditu, kemari.
Bela datai Kaban Kunsil Nengeri ( ADUN) Piasau Datuk Sebastian Ting.
Iya madah munyi nya rambau nimbal pasal jaku Chairman Kaunsil Pen- yanding Penemu Perintah Tun Daim Zainuddin minta perintah PH ngamatka semaya sida ungkup rayat ke udah ngundi sida ba pengawa bepilih besai ke udah.
Ku iya, Tun Daim nengah penerang iya ba sebuah surat kabar nasional ensanus madah, perintah PH patut badau ingatka pekara udah lalu tang ngangap pengawa nukar perintah baru nya nyadi siti sejarah enggau tusun pengawa ke baru.
“Ya, chukup setuju enggau jaku Tun Daim nya. Kitai chukup sedia bekerejasama enggau sida ke pemaik rayat.,” ku iya.
Ambika chunto, ku Dr Annuar, opis menteri iya sedia bekerejasama dikena mutar penanggul sekula- sekula buruk ba nengeri tu.
“Nya alai, sekula-sekula tuai nya enda ibuh laban opis menteri udah ngelala penyampau iya ba nengeri tu ke patut dibantu.
“Diatu kami ngelaluka perintah besai ke diiring PH nengah menteri iya Dr Mazlee Malik bekerejasama enggau kami sereta mengenepi ideologi politik,” ku iya.
Umbas mih belaya sereta ngiga penyalah. Fokus mih ngagai tanggungpengawa ke patut digaga ungkup rayat. Dr Annuar Rapa’ee Menteri Muda Pelajar, Sains enggau Teknologi