Projek rumah ba Permyjaya Tiga Kuala Baram diperati baru

Utusan Borneo (Sarawak) - - Berita Iban -

MIRI: Perintah Besai deka beratika baru projek berumah ulih dibeli ba Permyjaya Tiga Kuala Baram enti Perintah Nengeri nyendiaka tanah ti engkeman.

Menteri Pengawa Berumah enggau Kaunsil Kandang Menua, Zuraida Kamaruddin madahka Perintah Besai deka nentuka endur enggau tanah ba menua nya manah endur berumah.

“Kitai deka beratika baru projek tu lalu enti enda engkeman, aku deka minta Perintah Nengeri meri tanah bukai ti disikap enggau perengka guna,” ku iya lebuh atur pejalai gawa ba Kampung Pasir Miri kemari.

Zuraida madahka Perintah Besai enggaika Perintah Nengeri meri taba berumah ti kelalu jauh sereta ngasuh rayat napi pemar ari sukut perengka pengangkut.

Iya nyemetak madah enti Perintah Nengeri meri taba ti engkeman ke alai Perintah Besai enda ibuh masau belanja dikena ngaga infrastruktur bukai.

“Perintah Nengeri enda tau ngandalka Perintah Besai ngemansangka menua nya disikap enggau genap perengka guna laban tu deka nambahka ungkus berumah,” ku iya.

Nya alai Perintah Besai deka nentuka enti Perintah Nengeri meri tanah, tentu mega iya strategik sereta semak enggau perengka guna bukai.

“Perintah Besai sedia mantu ba polisi sereta kerejasama enggau Perintah Nengeri ti endang deka ngintu nasit rayat,” ku iya.

Ku iya, ejensi ngaga infrastruktur baka bekal ai, bekal kuasa karan enggau arus penyambung mega deka ngaga perengka guna sida empu.

“Ari nya enda nating pengawa berumah, tentu mega rega rumah deka nurun enggau enda nating raban B40,” ku iya.

Projek tu udah dikemendarka Unit Perancangan Negeri ( SPA) dalam taun 2016 enggau pelin asal sepenyampau 278 unit rumah deka digaga.

Sepenyampau RM50 juta dikena ngemujurka projek tu ti mungkur 549 unit rumah terus, endur komersial enggau perengka guna komuniti.

Beri kami tanah nya lalu Perintah Nengeri mega tau ngena sebagi ari rizab RM36.8 bilion dikena nyendiaka perengka guna ti udah bisi ba sitak tu, nyadi siti ari pengawa ngurangka ungkus rumah ungkup rayat. Zuraida Kamaruddin Menteri Pengawa Berumah enggau Kaunsil Kandang Menua

Menteri iya, Zuraida Kamaruddin madahka Perintah Besai seruran sedia ngaul kereja rat dikena nyapai juluk nya lalu meseti bisi pengeran tinggi ari Sarawak.

“Kitai nadai penanggul bekerejasama laban Perintah Sarawak bisi tanah ti mayuh ungkup projek tu.

“Beri kami tanah nya lalu Perintah Nengeri mega tau ngena sebagi ari rizab RM36.8 bilion dikena nyendiaka perengka guna ti udah bisi ba sitak tu, nyadi siti ari pengawa ngurangka ungkus rumah ungkup rayat,” ku iya lebuh bejaku ba Pengawa Nyuaka Kunchi Rumah Projek Vista Perdana Fasa 2, Miri ngagai 10 iku sida ti meli di Naim Club House, ensana.

Kepala Menteri Datuk Patinggi Abang Johari Tun Openg diarika Menteri Muda Dagang Temuai, Seni enggau Main Asal, Datuk Lee Kim Shin.

Zuraida nambah, dibaruh pengawa beratika baru Atur Pemansang Malaysia Lumpar Ke-11, ssepenyampau sejuta rumah tauka 100,000 rumah ninting taun deka disedia. Ari penyampau nya, 20,000 unit diungkup ngagai Sarawak enggau Sabah.

Ba lansa bukai, Zuraida ba aum pengarang berita udah nya nambah, Perintah Besai Pakatan Harapan (PH) enda deka ngelaungka Sarawak tauka nengeri bukai ba menua tu ba semua projek pemansang nyengkaum projek berumah.

Iya ti meri jamin madahka di baruh Dasar Perumahan Negara, NHP mayuh agi orang kelebih agi raban bepenatai pemisi jelan iya enggau raban bepenatai pemisi B40 dipelaba deka ngembuan rumah.

“Mensia mayuh tau melabaka rumah mudah di baruh polisi baru tu laban semua serikat utiliti dipelaba nanggung ungkus nyendiaka perengka guna ti udah bisi ungkup guna ba rumah baru ila,” ku iya.

Projek perumahan Vista Perdana Fasa 2 di Permyjaya, Miri dikemansangka Syarikat Perumahan Negara Berhad (SPNB) enggau Kumpulan Syarikat Naim.

Dulu ari nya, ba jaku dipansutka Lee, ngarapka kerejasama antara Perintah Besai nengah opis menteri pengawa berumah enggau Perintah Sarawak deka seruran ditegap dikena nentuka program berumah ungkus baruh lalu ulih dibeli bejalai lanchar.

“Aku ngarika Perintah Nengeri minta mayuh agi rumah digaga nyengkaum ba Miri. Penyampau kumulatif peminta ti diterima naka tu iya nya 60,000 peminta enggau purata 5,000 peminta setaun,” ku iya.

Ketuai Pemesai Eksekutif Kumpulan ( CEO) SPNB, Dato Sri Ahmad Azizi Ali, madahka Fasa 2 nyendiaka sepenyampau 789 unit hartanah ti datai ari rumah beringkat seringkat, rumah bedabal beringkat seringkat enggau banglo seringkat berega berengkah ari RM188,000 ti bisi 789 unit.

Kenyau ari ditumbuh dalam taun 1997, SPNB udah ngaga nyauka 100,000 rumah serata menua, 70,000 ari nya rumah ulih dibeli, enggau lebih ari 10,000 unit benung digaga.

Antara bala bisi datai Kaban Parlimen (MP) Miri, Dr. Michael Teo, Chairman Kumpulan Syarikat Naim, Datuk Amar Abdul Hamed Sepawi enggau Direktor Ngatur Pengawa Sarikat, Datuk Hasmi Hasnan. MIRI: Perintah Besai deka mantu siku balu, Rose Sulau Tugau, 55, ngaga tingki peranak Malaysia (biru) ti sah.

Menteri Pengawa Berumah enggau Kaunsil Kandang Menua, Zuraida Kamaruddin udah ngerah ngagai Kaban Parlimen ( MP) Miri Dr Michael Teo mantu Rose Sulau.

“Aku udah madah ngagai Teo ngambika nganjung surat ngagai opis menteri nerangka pekara ke amat Rose Sulau ti sebedau tu bisi tingki biru tang betukar ngagai tingki mirah,” ku iya lebuh ngabas Rose ba Kampung Pasir Lutong kemari.

Nitih ku iya, kelimpah ari surat nerang, Rose mega patut bisi bukti bukai ti tau ngenukuka iya endang peranak Malaysia.

“Aku dipadah kesemua sida Rose semadi endang peranak menua tu lalu bisi tingki biru enggau dokumen tu patut nyadika bukti,” ku iya.

Rose bansa Kenyah ari Long Dekan, Ulu Baram, singkung pengudah pedis belakang ketegal bakal tulang belakang.

Zuraidah madah sebedau tu Rose bisi tingki biru tang disilih enggau tingki mirah lebuh atur pengawa pembersihan.

“Laban tingki biru enda diaku ke alai Rose nadai nerima bantu perintah taja iya timpang pendiau diatu,” ku iya.

Dr Teo mega ku iya udah mayuh mantu Rose napi pengidup besehari sehari.

Ba lansa bukai, Rose madahka diri ngelansat ke dapur enggau ngelawa bilik besai lebuhka ngintu bilik.

Pekara tu ngasuh idup iya mar, diatu idup kediri aja ba rumah.

Nitih ku Rose, iya enda ulih mindah pengudah beputung dalam bulan Oktober 2013.

MOHD FADZIL

Newspapers in Malay

Newspapers from Malaysia

© PressReader. All rights reserved.