Sepuluh pintu bilik lus pekereja Sawmill Nanga Bawai angus bedau lama tu tadi
KAPIT: Rumah kayu sepuluh pintu ditu angus lengis kena lemai Hari Lima tu tadi.
Nasit amat lebuh penusah nyadi nadai orang ba dalam lus pekereja Sawmill Nanga Bawai, Baleh, urung 20km penyauh ari Kapit nya.
Penusah nyadi urung pukul 7 lemai lalu raban Bomba nerima kangau 15 minit pengudah penusah nyadi sereta berumban ngesah.
Bisi 17 iku raban bomba diketuaika Pemesai Bomba Kapit, Erwandy Tugor enggau disaup Edward Sanggau Franky mujur ngerara api urung pukul 9 malam.
BOMBA agi mansik pun penusah nyadi.