Dikena nentuka isi kokurikulum sejarah ti diajar ba sekula holistik agi enggau betul kelebih agi ngaul sejarah di nengeri tu: Ahmad
SIBU: Gerempung Pengajar Bumiputera Sarawak ( KGBS) ngansak Opis Menteri Pelajar ( KPM) nyiri sekeda kaban sejarah ari Sarawak ngagai komiti ti dikearap bejalaika ngawa mansik baru enggau ngemanah kurikulum sejarah enggau bup teks.
Presiden gerempung nya, Ahmad Malie madah tuju pengawa tu nentuka isi kokurikulum sejarah ti diajar ba sekula holistik agi enggau betul kelebih agi ngaul sejarah ba nengeri tu.
Ku iya, KGBS meri sukung ke tegap ba pengawa KPM numbuhka komiti tu baka ti dibantaika Menteri Pelajar Dr Maszlee Malik apin lama ke udah.
“KGBS bepenemu udah datai ba maya iya kurikulum sejarah dipansik baru lalu dikemanah enggau chuan penerang holistik kelebih agi sejarah bekaul Sarawak.
“Ba pekara tu, KGBS ngansak KPM nyiri beberapa kaban sejarah ari Sarawak ngagai komiti tu ngambika isi kurikulum sejarah betul agi dibida eng-
KGBS bepenemu udah datai ba maya iya kurikulum sejarah dipansik baru lalu dikemanah enggau chuan penerang holistik kelebih agi sejarah bekaul Sarawak. Ahmad Malie Presiden KGBS
gau chuan penerang ke bisi diatu,” ku iya.
Iya mansutka jaku tu lebuh ngenang penerang Dr Mazlee senentang pengawa numbuhka komiti khas gawa nyerenih enggau ngemanah baru kurikulum sejarah enggau mega bup teks.
Nitih ku Dr Maszlee komiti khas nya deka kerejasama enggau komiti ke bisi diatu, sereta kaban akademik enggau bepenau pasal sejarah ba menua tu enggau menua luar.
Kelimpah ari nya, Opis Menteri iya mega deka ngatur randau enggau bala kaban sejarah ngulihka perspektif sejarah enggau naratif ti baru ke produktif agi.
Berebak enggau nya, Ahmad Malie madahka bisi sekeda peranak Semenanjung Malaysia agi enda meretika Sarawak bisi ba dalam Malaysia.
“Nya kebuah, bisi maya kitai ninga sekeda rayat ba Semenanjung ngelaluka penatai bala bakih sida ari Sarawak enggau jaku ‘Selamat Datai Ke Malaysia’.
“Tu endang ‘ironis’ ngagai kitai, rayat Sarawak,” ku iya.
Nya kebuah, KGBS pechaya amat nengah pengawa nyiri sekeda raban ti landik pasal sejarah ari Sarawak ngagai komiti nya tentu deka mantu komiti nya meri penerang ti betul enggau pemadu nemban ba sejarah Sarawak ba Malaysia.
Ku iya, pengawa nambahka pemanah kurikulum sejarah deka ngemai ubah sejarah, ti holistik nadai ngelaungka pekara beguna amat ba Sarawak, ti patut dikelala bala nembiak sekula dudi hari.