Pekara pelajar endang ari baruh tanggungpengawa Perintah Besai lalu tu mega nyengkaum pengelantang infrastruktur, ku Manyin
KUCHING: Opis Menteri Pelajar, Sains enggau Pansik Teknologi (MESTR) ngarap mayuh agi agih belanja ari Perintah Besai dikena mantu ngangkat manah enggau ngaga baru sekula repuk ba Sarawak.
Nitih ku Menteri MESTR, Dato Sri Michael Manyin Jawong, pekara pelajar di baruh bidang kuasa enggau tanggungpengawa Perintah Besai.
“Ari pengeran Menteri Perintah Besai, kitai diatu ulih ngandalka mayuh agi agih belanja dikena ngangkatmanah tauka ngaga baru sekula repuk.
“Pia mega, lebuh pengawa mantaika Bajet 2018, RM1 biliun udah diagih ungkup tuju pengawa nya, ti deka dibagi bela RM500 juta penyampau ba taun 2018 enggau 2019.
“Kami ngarapka Perintah Besai deka ngamatka bajet taun 2019,” ku iya ba pen-
Ari pengeran Menteri Perintah Besai, kitai diatu ulih ngandalka mayuh agi agih belanja dikena ngangkatmanah tauka ngaga baru sekula repuk. Dato Sri Michael Manyin Jawong Menteri Pelajar, Sains enggau Pansik Teknologi
erang berita kemari.
Bisi sepenyampau 1,020 buah sekula repuk ba Sarawak ti dikategori di baruh DS3 sepenyampau 415 buah sekula, DS2 (210 buah), DS1 (395 buah).
Raban sida mega madah bisi 216 buah sekula ba semanjai tebing sungai lalu suah ampuh bah.
Tu ukai semina ngaul pekara pengelikun, tang mega reta sekula majak rusak. Chara ngemutar timpuh panjai ungkup sekula tu iya nya mindahka nya ngagai endur tinggi agi, ku iya madah nyemetak.
Pia mega ku iya, menua udah ngelempaika pengandal sida ngagai Perintah Besai bejalaika tanggungpengawa ti ngaul pekara pelajar.
“Taja pia, gaya fizikal sekula kami enda diberi perati nitihka pematut. Betaun pengelama gaya sekula kelebih agi kandang menua ulu majak tuai.
“Sebedau tu, menteri udah mida gaya sekula ba Sarawak enggau tebal agi sekula ba menua asal iya ba Johor dakam taun 1970an, jauh bida ari ke bisi ditu,” ku iya kemari.
Ku Manyin, semua pemutus nyengkaum skop enggau langkar projek sereta pengawa nyiri kunteriktor deka dipejalaika raban bekuasa perintah besai.
Kami ngarapka Perintah Besai deka berunding ngagihka belanja pemansang ti udah dikemendar ngagai Menua ngambi dipejalaika raban ejensi Nengeri ti bekaul.