JBALB mujur mutarka penanggul bekal ai di Bau

KUCHING: Opis Menteri Bekal Ai enggau Elekterik Menua Pesisir nengah Opis Bekal Ai Menua Pesisir ( JBALB) Sarawak mujur mutarka penanggul bekal ai ba Pasar Bau enggau kandang menua ngelingi.

Nitih ku penerang berita ensanus, penanggul ti udah diripot ba surat berita menua tu apin lama ke udah.

“Penanggul bekal ai enda meruan bepun ari batang paip pesuk ba Jalai Selalang/ Tondong enggau Kampung Sibuluh berindik ari kereja ngaga Jalai Besai Pan Borneo.

“Pantis (single air valve) udah ditemu ba Jalai Keranji ti nyadi antara 28 Novem- ber nyentuk 3 Disember tu tadi.

“Kereja nyeleti batang paip pesuk enggau ijap nya udah berumban dipejalaika raban JBALB enggau Kunteriktor Pan Borneo,” ku iya.

Taja pia, raban sida mujur mutarka bekal ai berenggat ba kandang menua bekaul.

Raban Opis Menteri begu- lai enggau JBALB nyemetak madahka raban sida endang keran nentuka semua penanggul bekal ai tejanggal ti nyadi deka diputar enggau naka penyampat.

Kami minta ampun semua penanggul ti ditapi bala penguna ba kandang menua kena penanggul nya, ku iya nandu.

Enti sema bisi penanggul bekal ai tejanggal tauka paip pantis ba sekeda endur, ripot sereta sebana ari mensia mayuh endang dikelalu.

Kelimpah ari nya, semua penerang pemadu baru deka seruran diripot lalu semua tanya tau ditujuka ngagai JBALB Bagi Menua Kuching ba lumur 082-203497.