Diatu bisi empat unit FMU ti mungkur kandang menua pemesai 423,917 hektar, nyengkaum HoB 340,382 hektar
KUCHING: Sarawak nagit numbuhka 21 Unit Gawa Ngintu Kampung (FMU) ti kesemua iya mesti diaku datai ba taun 2022.
Dua FMU bukai agi ba renggat kedua pengawa audit lalu deka diaku enda lama agi. Pengawa ngaku FMU tu dikena ngintu kampung ti meruan agi benung dipejalaika Perintah Nengeri. Hamden bin Mohammad Direktor Opis Kampung Sarawak
Direktor Opis Kampung Hamden bin Mohammad nyemetak madah naka diatu raban sida semina bisi empat unit FMU ti mungkur kandang menua pemesai 423,917 hektar, nyengkaum Heart of Borneo ( HoB), 340,382 hektar pemesai.
“Dua FMU bukai agi ba renggat kedua pengawa audit lalu deka diaku enda lama agi. Pengawa ngaku FMU tu dikena ngintu kampung ti meruan agi benung dipejalaika Perintah Nengeri.
“FMU nyadi kandang menua ti diberi lisin ungkup serikat kereja batang ti bisi lisin.
“Tagit kitai deka bisi 21 kandang FMU ba serata Sarawak lalu patut diaku datai ba taun 2022. Naka diatu, semina empat aja udah nerima FMU lalu 17 agi kandang empat taun deka datai,” ku iya lebuh bejadika Bengkel ‘ Kuba’an- Puak Corridor Project Finale 2018’ ditu, kilah ensana.
Raban sida mega ngeletak timpuh hari bulan ngambika ulih bekerejasama enggau pemegai lisi ba atur pen- gawa ngaku sebedau 2022, kitai deka beratika pekara ti patut digaga.
Dulu ari nya, Hamden madahka opis nya ngaku madahka sebagi ari kampung menua udah dikurangka rega, seraya nambah, opis nya benung bejalaika pelin besai pengawa ngintu kampung pasal chara landskap ti ngaul bala komuniti menua nya enggau mayuh bengkah raban bisi pemerat.
“Perintah Nengeri meruan keran nentuka pemansut kampung enggau kampung iya seruran diintu mema- nah, lalu pengeran udah tu iya nya polisi ti netapka semua kayu batang mesti ulih ditebang dalam timpuh panjai.
Sarawak nengah Opis Kampung endang keran ngintu kandang kampung, tandu iya.