‘Betanam Betupi Pintar’ negap sektor betanam betupi Sarawak Diploma Betanam Betupi Pintar patut diajar di Sarawak ngambika ulih nyapai juluk nuju pemansang Ekonomi Digital
KUCHING: Teknologi ‘Betanam Betupi Pintar’ ulih negapka sektor betanam betupi di nengeri tu, ku Kepala Menteri Sarawak Datuk Patinggi Abang Johari Tun Openg.
Berindik ari nya, iya mantaika langgur penemu ngambika institusyen pelajar di Sarawak muka bidang Diploma Betanam Betupi Pintar ngambika sama ulih nyapai juluk nuju pemansang Ekonomi Digital.
“Bala orang bumai bekebun moden patut ngena kereban teknologi ke pemadu baru ngambika sida nambahka asil, nya kebuah beguna amat bidang betanam betupi pintar tu dibantaika diatu.
“Aku pechaya, ila kitai ulih ngemansutka asil ari betanam betupi ke belipat enti ngena teknologi ke pemadu baru dalam betanam betupi pintar, sereta ngangkatka sektor betanam betupi lalu negapka agi asil ti dipansutka betanam betupi ungkup menua luar ,” ku iya.
Abang Johari, ke mega Menteri Wang enggau Perambu Ekonomi, madah munyi nya mauya bejaku bejadi Pengerami Kon- vokesyen Ke- 12 Pusat Pembangunan Kemahiran Sarawak ( PPKS) enggau Kolej Antarabangsa Teknologi Lanjutan Sarawak ( i- CATS) ba Palan Konvensyen Borneo Kuching (BCCK) ditu, kemari.
Bisi 1,107 iku mujur nembuka pelajar dalam bidang pengelandik enggau diploma ari institusyen nya. — Bernama
Bala orang bumai bekebun moden patut ngena kereban teknologi ke pemadu baru ngambika sida nambahka asil, nya kebuah beguna amat bidang betanam betupi pintar tu dibantaika diatu. Datuk Patinggi Abang Johari Tun Openg Kepala Menteri Sarawak