Ex- soldadu niang Musa Anak Isa udah dikubur nengah chara, basa penuh soldadu

KAPIT: Ex- soldadu ke gawa ba Rejimen Renjer DiRaja, niang Musa Anak Isa udah dikuburka nengah basa penuh soldadu bedau lama udah ba pendam di Jalai Antaroh, Kapit ditu.

Musa Anak Isa, 72 taun, udah nadai ba Sepital Sibu pengudah iya sakit dulu ari nya. Ada dalam taun 1946.

Iya masuk Rejimen Renjer DiRaja berengkah ari 14 September 1964 nyentuk 14 September 1974 dalam timpuh 10 taun nya.

Chairman Serakup Veteran ATM Malaysia Pampang Kapit, Matin Bilun ti ngarika sida nya sebilik deka meri besai terima k asih ngagai mayuh bengkah pampang Soldadu Malaysia enggau Opis Hal Ehwal ATM Malaysia Pampang Sarawak ti udah meri bantu ngagai sida niang Musa sebilik ti udah ngatur perengka pengangkut dikena mai bangkai niang ari Sepital Sibu ke Kapit ati ditangkanka enggau atur ngintu enggau nguburka iya.

Niang Musa dikuburka nengah basa penuh soldadu.

Martin mega m eri terima kasih ngagai Jeneral Briged Shamsurudin Bin Mohd Shariff, Panglima 9 Briged Sibu, Leftenan Kolonel Muhammad Nasri Bin Rasid, Batalion 3 Renjer DiRaja, Rejimen 510 Askar Wataniah, 9 Skuardon Semoyan DiRaja enggau ke bukai ti udah mantu ba pengawa ngintu enggau nguburka iya.

Iya mega meri terima kasih ngagai MP Hulu Rajang, Datuk Wilson Ugak Kum- bong ti udah nyendiaka bot laju enggau minyak dikena mai bangkai iya ari Sibu ke Kapit.

Kaban Kunsil Nengeri Pelagus, Wilson Nyabong Ijang mega bisi mantu meri RM 1000 dikena mutarka penusah nya.

BASA KEPENUDI: Chairman Serakup Veteran ATM Malaysia Pampang Kapit, Martin Bilun dipeda empat ari kiba begulai enggau bala bukai meri basa kepenudi ngagai niang Musa sebedau iya dikuburka.

BASA: Diberi basa penuh soldadu ari rumah niang ngagai pendam.