Pekara tu dikena nyeliahka penanggul ti ulih ngujungka peranak di kandang menua pesisir pambar, ku Penguang
MARUDI: Menteri Muda Kandang Menua Datu Dr Penguang Manggil minta rayat di menua pesisir kelebih agi di rumah panjai Sungai Mallang Sanin ditu ngambika seruran bekerejasama sereta beserakup dikena nyeliahka penanggul ti ulih ngujungka peranak di kandang menua nya pambar.
Penguang ke mega Kaban Kunsil Nengeri ( ADUN) Marudi mega sama nangkan iya nya anang nyadika bida dalam politik magi tauka mambarka penyerakup sereta kaul diri sebilik sida.
Berindik ari nya iya nyemetak madaka sida ti enda manah runding ke nesau propaganda sereta jaku bula enggau asut ke ulih ngujungka pemenchi enggau saru penemu dalam komuniti di menua pesisir, pia mega bisi ti nyau melelat ngagai media rama.
Beserimbai enggau nya, Penguang mega nangkan peranak di rumah panjai nya ngambika meri sukung ti penuh enggau rat ngagai perintah nengeri ti bisi diatu, iya nya ti dipegai Gabungan Parti Sarawak (GPS) dikena ngetanka hak sereta nyaga peranak di nengeri tu.
“Pia mega tu dikena meretika juluk enggau peminta rayat di nengeri tu nyengkaum tanggungpengawa enggau pengeransing kitai ngetanka hak Sarawak dalam Perseku- tuan Malaysia,” ku iya.
Penguang bejaku munyi nya lebuh ti bejadi Pengerami Ketuai Begulai Enggau Rayat ti bis digaga di Rumah Engkas ba Sungai Mallang Sanin Bakong, bedau lama ti udah.
Ku Penguang nambah, kelimpah ari royalti minyak enggau gis, semua ti bekaul enggau Hak Sarawak baka pengawa ngatur raban penerit adat menua (PBT), isu bekenaka Jaku Melayu enggau Jaku Englis, isu bekaul tanah Adat Hak Bansa Asal (NCR) ke bisi dalam atur sereta undang-undang, dikena neruska pengeransing begulai enggau GPS.
Program ti sama bisi diatur di Rumah Engkas maya nya mega demonstrasyen madamka api ari Komiti Pemansang enggau Pengelikun Genturung Pendiau (JKKK) Rumah Engkas sereta pengawa nyuaka pom rejista kaban baru Parti Demokratik Rayat (PDP).
Ba pengerami nya, Penguang mega udah nyuaka geran Projek Mit Menua Pesisir (MRP) sepenyampau RM15,000 ngagai JKKK
Pia mega tu dikena meretika juluk enggau peminta rayat di nengeri tu nyengkaum tanggungpengawa enggau pengeransing kitai ngetanka hak Sarawak dalam Persekutuan Malaysia. Datu Dr Penguang Manggil Menteri Muda Kandang Menua
Rumah Engkas, RM5,000 ungkup Gerempung Indu rumah nya lalu RM10,000 ungkup Gerempung Apai Indai enggau Pengajar (PIBG) Sekula Primari (SK) Lepong Ajai.
Sama mega bisi nerima agih beanja sida iya nya JKKK Rumah Kalum (RM3,000), Gerempung Indu Rumah Nyegang (RM5,000) sereta JKKK Rumah Chirstopher (RM10,000).
Temuai ke sama bisi datai ba pengerami nya bini Penguang, Datin Monica Ukong Jaya, kededua Sekretari Politik Kepala Menteri Alexander Asing enggau Robert Ayu, bala Ketuai Kaum ( KK) sereta Tuai Rumah Engkas Entri.