Dalam timpuh 55 taun, nya meri penanggul ngagai Sarawak laban semua pemutus meseti diturut nitihka konsensus

KUCHING: Polisi konsensus ke dikemeran Barisan Nasional ( BN) dalam timpuh 55 taun nyadika penanggul ngagai Sarawak, Ku Kepala Menteri Datuk Patinggi Abang Johari Tun Openg.

Iya ke mega Chairman Gabungan Parti Sarawak ( GPS) madah enti polisi menua netapka sebangkah pekara ‘ A’, kitai ( Sarawak) meseti nurutka pemutus nya ketegal pemutus digaga bepalasarka konsensus.

“Enti kitai bejuraika Sarawak sepemanjai timpuh 55 taun dalam BN, ari penyampau 17 tauka 13 parti, semina 3 tauka 4 parti aja ari Sarawak.

“Tu mih pemar kitai, enti deka ngelaban tauke pan tusah. Sida madah enti enda setuju kitai tau ningkilka diri ari BN lalu ketegal nya diatu kitai udah ningkilka diri,” ku iya.

Abang Johari mansutka jaku nya rambau bejadi ‘ Extraordinary Delegate Conferemnce’ Parti Rakyat Bersatu ( UPP) di Crown Square ditu, kemari.

Ngenang kaul ke sama, iya madah ba timpuh 55 taun nya mayuh macham pekara udah diasai alai sekeda nya manah lalu bisi mega ke enda manah.

“Sepemanjai timpuh 55 taun tu mega mengkang orang tauka ketuai ke sama ngembing kitai.

“Ke patut, orang tauka ketuai baru ba Pakatan Harapan, tang mengkang orang tauka ketuai ke sama,

Tu mih pemar kitai, enti deka ngelaban tauke pan tusah. Sida madah enti enda setuju kitai tau ningkilka diri ari BN lalu ketegal nya diatu kitai udah ningkilka diri. Datuk Patinggi Abang Johari Tun Openg Chairman GPS

nadai ubah,” ku iya.

Abang Johari mega nusui baka ni Sesco nyauka lenyau diempu Perintah Besai enti enda ketegal pengeran ketuai Sarawak ngenanka Sesco.

Ba pengawa bepilih nengeri taun 2016 nengah embing Tok Nan ku iya nambah, gempung parti Sarawak menang 72 ari 82 sitak kunsil nengeri.

“Diatu aku nampung pengawa Tok Nan, kitai dekaka kuasa sereta hak ke disetuju dalam Sempekat Malaysia 1963 diberi pulai,” ku Abang Johari.

Bela datai Presiden UPP Dato Sri Wong Soon Koh, Sekretari Besai George Lo, Sapit Presiden Datuk Jerip Susil enggau Ketuai Bagi Nembiak Dr. Johnical Rayong.

— Gambar Bernama TEPA: Abang Johari nerima tepa (duku ilang) pengudah bejadika EDC UPP di Kuching kemari. Bela dipeda (ari kanan) Jerip, Rayong enggau Wong.

BEJADI PSB: Abang Johari (kanan) betabi enggau Soon Koh maya datai bejadika EDC UPP di Crown Square, Kemari.