Bedau datai maya endur PSB minta masuk GPS

Utusan Borneo (Sarawak) - - Berita Iban -

KUCHING: Parti Sarawak Bersatu ( PSB) bedau ngenataika pinta nyereta Gabungan Parti Sarawak ( GPS).

Pekara tu dipansutka presiden parti Dato Sri Wong Soon Koh pengudah pengawa bejadi ‘ Extraordinary Delegate Conference’ ( EDC) di Crown Square ditu, kemari.

Aum nya dipenyadi Kepala Menteri Datuk Patinggi Abang Johari Tun Openg ke mega Chairman GPS.

“Pekara ke ulih dipadah aku diatu iya nya enti kitai udah datai ba jematan, baru kitai meraka. Tang diatu kitai bedau ngenataika pinta nyereta GPS,” ku iya.

Dulu agi ari nya, Abang Johari lebuh dirandau pemberita madah sebarang parti ti deka nyemilik GPS meseti disetuju tiga perempat komponen gempung nya.

GPS diarika Parti Pesaka Bumiputera Bersatu ( PBB), Parti Rakyat Bersatu Sarawak ( SUPP), Parti Rakyat Sarawak ( PRS) enggau Parti Demokratik Progresif ( PDP).

Ku Abang Johari, GPS deka nerima parti baru enti disetuju 75 peratus ari gempung empat parti nya.

Naka ke diatu, PSB ke dulu agi ari tu dikelala nengah nama Parti Rakyat Bersatu ( UPP) bedau nerima kangau nyemilik GPS.

Tajapia Soon Koh madah parti mengkang nyadi kaling rat lalu deka ngadu kerejasama enggau GPS.

“Ngelamatu kitai udah nyadi kaling rat enggau GPS kenyau jeman Barisan Nasional ( BN) lalu deka majakka kerejasam tu enggau sida,” ku iya.

Newspapers in Malay

Newspapers from Malaysia

© PressReader. All rights reserved.