Beri peluang kedua ngagai sida ti kala gian dadah

Utusan Borneo (Sarawak) - - Berita Iban -

MIRI: Sida ti kala gian dadah ti deka mulaika pemanah ulah patut diberi awak kedua dikena ngemetulka ulah ti salah ngambika sida ulih nyingkang ke mua lalu ngepunka lambar baru ba pengidup sida.

Kaban Kunsil Nengeri ( ADUN) Telang Usan Dennis Ngau pechaya ari pengawa meri sida awak kedua kelebih agi rebak nembiak, begulai enggau orang dikesayau sida, ngaul diri baru ngereja penga enggau nyadi peranak ti produktif dudi hari.

“Pengidup iya nya pengawa belajar ti nadai pengujung lalu kitai mesti mutarka iya enggau ngemetulka pekara ti salah dikereja dulu suba. Peranak Sarawak mesti ngemeranka bansa ti angkun, nyengkaum meri sida ti kala gian awak kedua ngemetulka pengilap sida sereta mantu sida mansang ke mua ba kuing ti betul.

“Aku berasai lantang enggau temegah ati madah taja idup ba dunya ti seruran berubah kemaya hari, aku agi ulih meda pengasih enggau asai ngempu antara mensia, nyengkaum sida ti gian enggau bala komuniti serata semina,” ku iya lebuh bejaku bejadika pengerami mantar Krismas ba Palai Mulaika Pemanah Ulah Rumah Kenyalang di Pujut ditu, kena Hari Lima.

Dennis nyemetak madahka salah guna enggau gian dadah nyadi penanggul besai ukai semina ba Malaysia aja tang mega ba dunya kemaya hari.

Kemaya hari, ukai semina ba mengeri aja, tang penanggul dadah udah majak ngerembai ngagai kandang menua ulu nyengkaum ba rumah panjai.

“Ngagai sida ti ditu, pengudah kita ninggalka palan tu, jauhka diri ari gian kita, tinjau penampak idup dudi hari lalu berengkah nyingkang ngagai lambar baru ba idup kita. Kitai semua sayau ke kita lalu aku pechaya kita sebilik baka nya mega.

“Kitai meri terima kasih ngagai raban gerija udah datai kitu nyaup pengawa dipejalai perintah kitai meri awak kedua ngagai sida ti kala gian dadah. Taja pia, ari pemisi semua perengka guna enggau sukung disedia ungkup kita, pekara ti beguna amat iya nya, pengeran enggau peneka kita empu ngelaban gian nya,” ku Dennis.

Iya muji Serakup Bansa Kenyah Sarawak (PKKS) Leto Kenyah Pampang Baram udah ngatur pengawam ngempuruka raban besai ari ‘loving individuals’ bejalaika pengawa volunteer begulai enggau sida ke diau ba palan mulaika pemanah ulah nya.

“Aku ngarapka mayuh serakup deka mansang ke mua ngereja pengawa ti sebaka. Arap meh jaku aku, enda mayuh orang ba dunya tu ulih ngereja pengawa baka dikereja kita enggau mantu raban kitai ti bepenanggul,” ku iya nambah.

Seraya chairperson pengatur, Rita Awing madahka penemu ngatur program datai pengudah beberapa pejalai nemuai diatur raban indu PKKS ti matau enggau ngajar sida ke diau dia pengelandik nyengkaum berapi enggau ngaga kuih.

Ku iya, bala kaban pampang mega sinu meda gaya pendiau sida ba palan nya, kelebih agi ba perengka guna enggau runding sida, ti suah dipeda kusut ketegal runding diri enggau penanggul minta perati ari orang bukai.

Berebak enggau program nya, Dennis ngemendarka agih belanja penyampau RM7,000 seraya RM10,000 ari ADUN Mulu Datuk Gerawat Gala serata RM5, ari ADUN Murum Kennedy Chuk Pai Ugon.

Sama datai Chairpersin PKKS Leto Kenyah Pampang Baram Esther Joseph Usat, Sapit Presiden PKKS Dominic Lusat Sagan, Menijar Rumah Kenyalang Pastor Frederick Besar Padan, Pemesai Nagang Pengawa Gian Dadah Bansa (AADK) Miri Khennedy Lai enggau Paderi Gerija St Dominic enggau Rosari Taman Tunku Rev Fr Kevin Chundi.

Nitihka ripot ari Opis Pelajar Kapit, laman sekula nya ampuh ai bepun ari peninggi Sungai Balleh majak niki berengkah ari ujan 8.30 malam ensana nyentuk 6.30 pagi kemari.

Nyentuk pukul 11 pagi kemari, ku iya, ai agi niki sereta nadai kelai deka surut.

Sekula nya bisi 58 iku nembiak enggau 14 iku staf sekula.

Naka berita ditulis nadai orang diripotka dibai mindah ari sekula nya.

Ba pekara bekaul, nitihka laman iHYDRO, tikas peninggi ai di Stesyen Nanga Merit, Gaat B enggau Nanga Entawau udah ngelui tikas bejaga.

Stesyen tu ngerikod peninggi ai 20.37 meter, 43.94 meter enggau 11.92 meter.

Berindik ari nya, mensia mayuh ke besemak dipinta semampai bejaga.

Ba endur bukai, di pelilih Daro, nadai penusah ampuh bah diripotka nyadi kelimpah ari musin ai pasang besai taja pan hari berengkah ujan bangat beberapa hari sebedau tu.

Pekara tu dipadahka Kaban Kunsil Nengeri ( ADUN) Daro Safiee Ahmad maya ditanya sentang pekara nya.

“Baka ngelama tu, ninting maya musin ujan kitai deka ngidupka bilik operasyen ambuh bah ti betuaika Opis Kaunsil.

“Kitai mega udah nentuka beberapa bengkah genturung menua ti suah ambuh bah sebedau tu baka Kampung Pangtray enggau Kampung Tengah,” ku iya madah.

Di Sibu, ari rikod laman iHYDRO, stesyen peninggi ai di Nanga Lemai B mandangka peninggi agi ngelui ari 3.05 meter (ngelui tikas bejaga) naka pukul 1 lemai, kemari.

TERIMA MIH: Dennis (empat kanan) nyuaka tepa ngagai Fr Kevin, seraya Rita (kanan Dennis) enggau bala bukai ngemata.

Newspapers in Malay

Newspapers from Malaysia

© PressReader. All rights reserved.