RM250 juta ungkup program mitigasi bah di Sarawak: Dr Sim
Ari pekara belanja penyampau nya RM150 juta ungkup program mitigasi bah ba Kuching lalu laluh RM100 juta ungkup Sibu
KUCHING: Perintah Besai udah ngemendarka agih belanja penyampau RM250 juta ungkup program mitigasi bah ba Sarawak.
Menteri Kaunsil Kandang Menua enggau Pengawa Berumah Datuk Dr Sim Kui Hian madahka pekara nya dibantaika Menteri Ai, Tanah enggau Pengeraja Asal, Dr Xavier Jayakumar Arulnandam ba sebengkah aum kena 5 Disember tu tadi ba Wisma Sumber Asli, Putrajaya.
Aum nya diatur beserimbai enggau penemuai meri basa iya ngagai Dr Xavier ti bela disempulang Kaban Kunsil Nengeri (ADUN) Batu Lintang See Chee How, Direktor DID Sarawak Chok Moi Soon enggau Direktor Servis Entali Ai Sarawak Lau Hian Ung.
Nitih ku Dr Sim, Dr Xavier
“
Perintah nengeri enggau besai bela deka begulai melanja projek ngaga parit ” enggau entali ai (DID) ba Sarawak.
Datuk Dr Sim Kui Hian
Menteri Kaunsil Kandang Menua enggau Pengawa Berumah
setuju deka mantu ari pekara belanja penyampau RM250 juta iya nya RM150 juta ungkup program mitigasi bah ba Kuching lalu laluh RM100 juta ungkup Sibu.
Dr Sim madahka agih belanja RM250 juta ungkup program mitigasi bah deka dikena enda lama agi iya nya sebagi ari RM608.7 juta kesemua penyampau projek ti udah dikemendar sebedau tu.
“Perintah nengeri enggau besai bela deka begulai melanja projek ngaga parit enggau entali ai (DID) ba Sarawak.
“Di baruh Atur Pemansang Malaysia Lumpar Ke- 11 (RMK11), 2016-2020, DID Sarawak udah minta agih belanja RM4.48 biliun dikena bejalaika empat program mitigasi bah besai ba nengeri tu.
“Ari penyampau nya, RM4.58 biliun, ti udah dikemendar semina RM608.7 juta (tauka 13 peratus ari kesemua penyampau diagih ungkup RMK11) dikena melanja be- berapa projek,” ku iya nengah penerang berita.