CENTEXS deka dibuka ba Betong entara Januari ngagai March 2019

Kampus sementara Pusat Kecemerlangan Tekninal Sarawak (CENTEXS) deka dibuka ba Betong antara bulan Januari ngagai March taun baru.

Ketuai Pemesai Eksekutif CENTEXS, Syeed Mohd Hussien Wan Abdul Rahman madahka CENTEXS Betong deka nyendiaka beberapa program latih ti fokus ngaga tiga bidang iya nya teknolog fesyen, betanam betupi digita enggau elekterik.

“Tiga bidang tu deka nyad fokus kitai ba Betong lalu betanam betupi digital nyadi bidang pemadu besai ba agenda pemansang ba Betong,” ku iya.

Iya mansutka jaku nya lebuh dirandau kemari pengudah Majlis Konvokesyen Keempat CENTEXS ba Palan Konvensyen Penview (PCC) Demak ditu.

Pia mega ku Syeed Hussien, pengudah ditumbuh taun baru, CENTEXS Betong deka ngambi 100 iku nembiak ba renggat keterubah ungkup penggal Januari – Julai lalu 100 iku agi nembiak ba renggat kedua ungkup penggal AprilOktober.

Kampus sementara CENTEXS ba Betong deka ngena dua blok rumah kedai tiga ringkat ke alai diatu benung diubah langkar iya.

Ditanya pasal kereja ngaga CENTEXS ba Lundu, Syeed Hussien madahka projek berega RM250 juta nya diatu benung digaga.

Kampus CENTEXS Lundu dipelaba tembu datai ba taun 2020 nyengkaum kampus ba Lawas enggau Dalat sereta kampus baru Betong ba taun 2021 ti udah dikemendarka perintah.

Dulu ari nya ba atur konvokesyen, sepenyampau 442 pelatih CENTEXS nerima skrol sida empu ari Menteri ba Opis Kepala Menteri (Integrit enggau Ombudsman), Datuk Talib Zulpilip.

Semua graduet ti diram iya nya graduet pengelandik teknikal enggau digital ba bidang minyak enggau gis, palan penyangkai kapal enggau elektrikal, pengawa berumah tekstil enggau hospitaliti sereta dagang digital.