CENTEXS Betong dikearap diterima manah raban nembiak
Penumbuh CENTEXS di Betong nya endang udah dipesetuju niang Tok Nan maya ke nyadi Kepala Menteri, ku Rentap
KUCHING: Kampus sementara Pusat Kecemerlangan Teknikal Sarawak (CENTEXS) ti dibuka di Betong dikearap ulih matak sereta meransang raban nembiak kelebih agi ti udah tembu ngambi peresa Sijil Pelajaran Malaysia ( SPM) ngambi bidang pengelandik.
Kaban Kunsil Nengeri (ADUN) Layar, Gerald Rentap Jabu madahka penumbuh CENTEXS ba Betong nya endang udah dipesetuju niang Tok Nan (Pehin Sri Adenan Satem) maya ke nyadi Kepala Menteri.
Berindik ari pekara nya Rentap madahka diri ngelama tu suah udah berandau enggau CEO sereta tim ti bejalaika pengawa.
“Pengawa muka CENTEXS tu endang sigi udah dipesetuju tauka dikemendarka niang Tok Nan suba. Lalu tanah pan udah diberi dikena ngaga kampus nya.
“Ari nya, aku suah udah berandau enggau CEO enggau tim ti bejalaika pengawa, asil ari runding dia CENTEXS setuju nyuwa kedai dulu awakka ulih nyendiaka nerima nembiak ke diambi belajar taun baru.
“Kitai ngarapka enggau penumbuh CENTEXS di Betong ulih matak lalu ngajar pengelandik ngagai nembiak ke udah ngambi SPM,” ku iya nyaut nengah aplikasyen WhatsApps, kemari.
Rentap meri penerang nya lebuh ditanya Utusan Borneo bekaul enggau Kampus se-
“
Pengawa muka CENTEXS tu endang sigi udah dipesetuju tauka dikemendarka niang Tok Nan suba. Lalu tanah pan udah
” diberi dikena ngaga kampus nya.
mentara CENTEXS ke deka dibuka di Betong entara bulan Januari ngagai Mac 2019.
“Nya (CENTEXS) mega deka deka nyikap kolej vokasional ke alai nembiak ke abis PT3 mega ulih ngambi kus nyentuk ke tikas Dilploma,” ku iya seraya madahka ba Betong bisi Politeknik Metro enggau Kolej Komuniti ti bisi nyendiaka bidang bukai.
Lebuh ke ngenang pasal bidang ke disediaka CENTEXS, iya madahka tiga bidang nya baka teknologi fesyen ulih ngajar chara mutung kain, bejait sereta ngias tauka nyait baru.
“Lalu dalam bidang betanam betupi digital ke alai bala nembiak deka diajar ngena sistem IOT (Internet Untuk segalanya) dalam pengawa betanam betupi.
“Bidang elekterikal, bidang tu tau ditampung ba Kampus Centexc Kuching enti sida deka ngambi kus nyadi tukang nyambung wayar enggau ngemata kereja,” ku iya.
Senipak enggau menua Betong ke mayuh raban nembiak, ditanya sekalika 100 iku ke diambil nya chukup tauka enda, Gerald madah enti nundaka nya endang enda chukup.
Tang ku iya, sementara dulu nyema tiga bidang ke dibuka di Betong udah penuh, bala nembiak diperansang minta tauka nampung ba Kampus CENTEXS di Kuching.
“Amat semina 100 iku aja dulu diambi, tang tu dikena ngepunka dulu, tambah mega kampus di Kuching ulih alai nampung enti (ba Betong) udah penuh,” ku iya.
Ensanus di Kuching, Ketuai Pemesai EKsekutif ( CEO) CENTEXS, Syeed Mohd Hussien Wan Abdul Rahman madahka CENTEXS di Betong deka mekuh ngagai tiga bidang iya nya teknolog fesyen, betanam betupi digita enggau elektrik
“Tiga bidang tu deka dipekuhka di Betong lalu betanam betupi digital pemadu beguna dalam agenda pemansang di Betong,” ku iya.
Nambahka nya Syeed Hussien, enti CENTEXS Betong dibuka taun baru dia nembiak ke diambi keterubah endar, iya nya sesi Januari ngagai Jula kitai ngambi 100 iku nembiak lalu pia mega ti kedua iya nya sesi April ngagai Oktober kita mega deka ngambi 100 iku nembiak,” ku Syeed.
Kampus sementara CENTEXS di Betong deka ngena dua blok rumah kedai tiga ringkat ke alai diatu pengawa ngubah langkar iya benung dipejalaika.
Gerald Rentap Jabu Kaban Kunsil Nengeri Layar