Aum Pemandu dikena meresa MA63 udah diatur kemari
Aum Komiti Khas Kabinet ( Pemandu) dikena meresa Sempekat Malaysia 1963 (MA63) udah diatur ungkup keterubah ditu kemari, diketuaika Menteri Besai Tun Dr Mahathir Mohamad.
Kepala Menteri Sabah, Datuk Seri Mohd Shafie Apdal sereta Kepala Menteri Sarawak, Datuk Patinggi (Dr.) Abang Johari Tun Openg antara bala ti bisi enggau baum.
Komiti Khas Kabinet nya mega datai ari Menteri ba Opis Menteri Besai (UndangUndang) Datuk Liew Vui Keong, Menteri Wang Lim Guan Eng, Menteri Pekara Ekonomi Datuk Seri Mohd Azmin Ali, Menteri Perengka Pengangkut Anthony Loke, Menteri Komunikasyen enggau Multimedia Gobind Singh Deo, Menteri Kereja Raya Baru Bian, Menteri Luar Nengeri Dato’ Saifuddi Abdullah, Menteri Dagang Antarabansa enggau Industri Datuk Darell Leiking.
Kelimpah ari nya, Luyar Menua Tommy Thomas begulai enggau Luyar Nengeri Sabah Datuk Zaleha Rose Pandin, Luyar Nengeri Sarawak Datuk Talat Mahmood Abdul Rashid enggau Ketuai Akim Sabah enggau Sarawak Datuk Seri David Wong sereta kaban akademik Prof. Emeritus Datuk Dr Shad Saleem Faruqi.
Liew nengah penerang berita madahka aum nya seriris enggau pengeran Perintah Besai dikena meresa baru Pejalai MA63.
“Mosyen Komiti Khas Kabinet tu udah dibantaika aku ti nyadi Menteri ba Opis Menteri Besai (Undang-Undang) enggau Komiti khas Kabinet mega nerima penerang dikenataiak Kepala Menteri Sabah enggau Sarawak,” ku iya.
Ku Liew, isu ti dibantai nyengkaum langgur penemu mulaika baru hak autonomi perintah Sabah enggau Sarawak ba beberapa pekara baka wang, eksplorasyen minyak, pengawa ngali enggau gis, undang- undang, tanah enggau asil ari tanah, kereja raya Perintah Besai enggau Nengeri, maritim enggau pengawa berikan, pengereja pengawa enggau servis perintah nengeri.
Kelimpah ari nya ku iya, ubah ba Perkara 12 Konsitus- yen Perintah Besai ba pekara sebedau ubah dalam taun 1976 bela dipejurai.
Ku Liew nampung, komit nya deka baum tetiap dua bulan sekali lalu diberi timpuh enam bulan ari hari bulan aum kemari endur mantaika ripot kepenudi.
“Seriris enggau prinsip Perintah Sabah enggau Perintah Sarawak nyadi bakih kuns (equal partners) ngagai Semenanjung, Komiti Khas Kabinet sehari tu mega ngemendarka mosyen nyiri kaban tambah ar Sabah enggau Sarawak.
“Kaban tambah tu iya nya Sapit Kepala Menteri Sabah Datuk Seri Wilfred Madius Tangau, Sapit Speaker Aum Kunsil Nengeri Sarawak Datuk Gerawat Gala, Menter Muda ba Opis Kepala Menter ( Undang- undang, Kau Sarawak enggau Perintah Besai sereta Matau Projek) Sharifah Hasidah Sayeed Aman Ghazali enggau Ex-Luyar Besai Sabah Datuk Stephen Foo Kiat Shin.