JKM Sarawak udah sedia ngenataika servis ti manah ngagai komuniti
Pengawa tu digaga begulai enggau kaban strategik opis nya ngambika ulih ngelempung tating penusah rayat di nengeri tu
BINTULU: Opis Pengintu Pengelantang Mensia Mayuh ( JKM) Sarawak enggau kaban strategik sida udah sedia gawa enggau ngenataika servis pemadu manah ungkup komuniti renggat baruh.
“
Nyadi gempung ti dilempaika tanggungpengawa ngintu pengelantang rayat, kami endang keran meri servis pemadu manah dikena ngelempungka tating penusah rayat ti begunaka
” bantu.
Taddy Ajin
Pemesai JKM Bintulu
Pemesai JKM Bintulu, Taddy Ajin madah, taja bisi sekeda penekul nangkup peminta rayat ti ngelempaika pengandal tinggi ngagai sida, sida deka naka ulih bejalaika tanggungpengawa diri nitihka penau sida.
Ku iya, sida mega benasit manah diberi sukung tegut enggau kerejasama ari bala bakih strategik datai ari mayuh bengkah ejensi enggau opis perintah nyengkaum ari sektor peribit enggau gempung ukai dikuasa perintah.
Ba rikod ku iya, JKM Bintulu udah ngerikot 3,589 iku penerima ti patut ungkup bantu ninting bulan naka Disember taun tu ngaul belanja penyampau RM12.9 juta.
“Nyadi gempung ti dilempaika tanggungpengawa ngintu pengelantang rayat, kami endang keran meri servis pemadu manah dikena ngelempungka tating penusah rayat ti begunaka bantu,” ku iya rambau Pengerami Makai Lemai Ngenang Jasa JKM Bintulu ba sebuah hotel ditu, malam Hari Satu.
Taddy madah naka diatu, JKM Bintulu udah ngerikot sepenyampau 187 kes penusah ngenyit.
“Dikena nentuka ulih meri bantu tekala nya ngagai sida ti tasah, kerejasama ejensi begulai endang chukup beguna ngagai kitai ngambika ulih jampat enggau sikar nganjung bantu lalu enda ibuh nganti sida ti tasah datai ngelawa opis kitai ngaga ripot pasal penusah,” ku iya.
Ku taddy, pemanah kaum dalam ejensi beguna amat laban tetiap ejensi bisi pangku pengawa enggau tanggungpengawa bebida sereta ngereja pengawa begulai ngasuh sida ulih nyaup pangan diri meri servis pemadu manah ngagai raban diselinting.
Seraya chairman pengatur pengerami ti mega k ngetuaka Unit Pemansang Komuniti Volunteer Bintulu, Muhamad Khairul Mukhsin Sadim madahka pengerami makai lemai nya khas ungkup bala bakih strategik JKM.
“Pengerami tu siti ari chara kami mantaika terima kasih ngagai pemanah pengawa enggau servis kita.
“Ba pengerami tu, kami mega ngarapka kitai ulih meretika agi kelebih agi ba pangku pengawa kitai ngemanahka servis sereta meri peransang ngagai kitai gawaka komuniti dudi hari,” ku Khairul.