Staf perintah nengeri patut seruran sikar meri servis, ku Awang Tengah
Ngambika tauka opis menteri endur sida gawa nerima gred ke pemadu nyulut sereta ulih ngemantupka ati mensia mayuh
KUCHING: Bala staf perintah nengeri patut seruran sikar meri servis sereta ransing gawa dikena nentuka opis tauka opis menteri endur sida gawa nerima gred ke pemadu nyulut.
Nitih ku Sapit Kepala Menteri Datuk Amar Awang Tengah Ali Hasan, organisasyen perintah patut nemu pemesai guna servis ti disedia ulih ngemantupka ati mensia mayuh.
“Ba konteks opis menteri, aku deka muji Opis Menteri Industri enggau Pemansang Pengawa Dagang nengeri ti apin lama ke udah bulih
“
Ba konteks opis menteri, aku deka muji Opis Menteri Industri enggau Pemansang Pengawa Dagang nengeri ti apin lama ke udah bulih gred lima bintang ari Opis
”
Pekara Wang Nengeri.
gred lima bintang ari Opis Pekara Wang Nengeri,” ku iya lebuh bejaku ba Pengerami Makai Lemai Apresiasyen Opis Menteri Industri enggau Pemansang Pengawa Dagang apin lama ke udah.
Ku iya, sepenyampau RM85.3 juta udah diagih ungkup pemansang estet industri enggau RM18.4 juta ungkup pemansang orang dagang enggau sereta mit enggau jelan pemesai maya pengawa mantaika bajet 2019, ke alai opis menteri nya deka berengkah kiruh gawa datai ba taun baru.
Nya kebuah Awang Tengah minta semua staf iya ngemanahka chara kereja enggau ngenataika servis dikena nentuka juluk opis menteri nya ulih dijapai.
Sama datai Menteri Muda Pemansang Dagang Mi enggau Jelan Pemesai ( PKS) Datuk Mohd Naroden Majais enggau Sekretari Mendam Opis Menteri Industr enggau Pemansang Pengawa Dagang Datu Liaw Soon Eng.
Menteri Datuk Amar Awang Tengah Ali Hasan Sapit Kepala Menteri