Peranak rumah panjai di Bawang Assan diatu ngelakuka program homestay ngena Internet
Program Homestay Bawang Assan udah nerima mayuh agi penatai bala temuai nyengkaum ari menua tasik ti deka nelebaka diri enggau adat sereta main asal nyengkaum meda pemanah rumah rumah panjai, pia ku chairman program Macarthy Gindau.
“Kami beerngkah ngen Internet dikena ngelakuka program homestay kami ngagai makit ke besai agi ba renggat global.
“Kami udah ngerikod penyampau temuai ke mayuh agi datai kitu sekalika raban ari renggat domestik ti datai ari semenanjung Malaysia enggau raban ke udah graduet,” ku iya.
Ku iya baru: “Temuai ari menua tasik datai ari Sweden, Kanada, Eng- land, Holland, France, China, Korea enggau sekeda menua Eropah ke bukai.”
ku iya, bisi lapan buah rumah panjai di Bawang Assan ke bisi ngambi bagi dalam program homestay nya.
Sida tu baka Rumah Michael, Rumah Jimbun, Rumah Dennis, Rumah Stanley, Rumah Roseline, Rumah Abell, Rumah Peter enggau Rumah Anthony.
Entara aktiviti ti bisi dipejalaika ungkup bala temuai nya baka ngajat, nyumpit enggau mandangka pengelandik nebah sape.
Pemakai baka pansuh manuk Macarthy enggau ikan pansah nyadi pemakai ti pemadu dikerindu temuai ari menua tasik ke datai kia.
Penyauh Homestay Bawang Assan urung iya 45 miit deriba ari kandang pasar.
University College of Technology Sarawak ( UCTS) udah dikearap ngemataka website program homestay nya.
Pengelicha kanan UCTS School of Computing and Creative Multimedia, Gary Loh Chee Wyai madahka pengawa ngaga website ungkup pengemeran homestay di Bawang Assan nya ti keterubah endar dipejalaika UCTS.
“Website nya diintu nengah kus ‘Service Learning’ ti dipejalaika bala nembiak ti ngaga projek ke amat ungkup komuniti nengah url website www.bawangassan.com.
“Ngena Internet ngelakuka homestay nya mega se bagi ari ekonomi digital,” ku Loh.
Berebak enggau nya, Menteri Dagang Temuai, Seni, Adat Asal, Nembiak enggau Main, Datuk Abdul Karim Rahman Hamzah madahka baka nya mih dagang patut dipejalaika ba jeman digital.
“Tu ukai utai ke baru. Serata dunya ketebal agi homestay, rumah endur bemalam enggau AirBNB diatu ngena Internet nyam- bung diri ngagai klien.
“Kitai diatu diau ba jeman digital lalu baka mih dagang patut dipejalaika diatu.
“Aku mega pechaya c hara tu mega dikena ba industri bukai nyengkaum industri kotej kitai,” ku iya.