Institusyen Pelajar Tinggi dipinta nangkup peminta guna praktikal
Ngambika ulih nempa orang ke bepikir kreatif ti ulih mai ngagai penumbuh enggau pemansang ekonomi menua, ku Fatimah
KUCHING: Institusyen Pelajar Tinggi nyengkaum universiti menua tu dipinta ngemenuh peminta guna praktikal nengah pengawa nempa orang ke bepikir kreatif ke ulih mai ngagai penumbuh ekonomi.
Kepala Menteri Datuk Patinggi Abang Johari Tun Openg madah, universiti bejalaika tanggungpengawa ke pemadu beguna dikena ngemansangka inovasyen, besemekih ba ekonomi enggau pengelantang dalam ekonomi dunya ungkup menua jemah ila.
“Aku deka bebendar madahka universiti menua kitai bisi tanggungpengawa ke beguna dikena nentuka pengereja pengawa kitai disediaka peminta nitihka ubah ekonomi.
“Aku deka ngansak universiti baka UiTM (Universiti Teknologi Mara) ngambika bebendar agi nangkup tauka nundaka peminta guna praktikal ekonomi nengah pengawa ngajar enggau ngelatih, lalu ke pemadu beguna, nempa orang ke bepikir kreatif ke ulih mai ekonomi mansang ke mua,” ku iya.
Iya mansutka pekara nya nengah teks jaku iya ti dibacha Menteri Pengintu Penge-
“
Aku deka bebendar madahka universiti menua kitai bisi tanggungpengawa ke beguna dikena nentuka pengereja pengawa kitai disediaka peminta nitihka
” ubah ekonomi.
Datuk Patinggi Abang Johari Tun Openg
Kepala Menteri Sarawak
lantang Pendiau, Pengelantang Raban Bansa, Orang Indu, Ruang Bilik enggau Pemansang Nembiak Mit Dato Sri Fatimah Abdullah nyerumba bejadi Aum Bekaul Teknologi enggau Sains Inovasiyen ungkup Pelajar enggau Pansik (InnoSTREE) 2018 ti diatur Universiti Teknologi Mara (UiTM) Sarawak ditu, kemari.
Bejaku baru, Abang Johari madahka universiti seruran dianggap ari suba beguna amat dalam pemansang ekonomi lalu tanggungpengawa nya dipeda lebih beguna enggau penatai jeman baru.
“Baka ke ditemu semua kitai, universiti suah diberi pengelebih nyendiaka peluang endur nembiak ngerembaika diri enggau ngemajuka ekonomi.
“Graduet universiti ulih mai pemanah ngagai pemansang ekonomi menua lalu kitai meda pelajar tinggi ari sukut dunya deka nentuka tanggungpengawa universiti nyadi kunchi besemekih dalam ekonomi.
“Tu laban pemansik fakulti ti tetemuka saintifik dalam semua bidang sekalika teknologi, proses industri enggau pengeluar, betanam betupi enggau ke bukai,” ku iya.
Iya madah, nya alai aum besai antarabansa baka ke diatur UiTM nya beguna amat laban ngempuruka kaban antarabansa dalam bidang sains enggau teknologi inovatif, deka nyadi pelasar kitai maju nuju nya.
Kelimpah ari nya, Rektor UiTM Sarawak Datu Dr jamil Hamali madahka aum besai nya ngembuan tuju dikena meri peluang ngagai raban pemansik biak kelebih agi ngemansangka bidang, kelebih agi sida dalam pelajar akademik sereta dalam rampa teknologi ke suah berubah.
“Tu deka ngangkatka penemu sida dalam bidang sida empu ti amat beguna pengudah sida pas.
“Aum besai tu mega pelasar endur pesereta menua tu enggau antrabansa ari kededua akademik enggau industri bejuraika penemu sereta asil pemadu baru ke ditemu sida dalam sain enggau teknologi inovatif,” ku iya.