Lina Soo deka meri licha bekaul OMO sereta MA63 di Miri kena 22 Disember

Beserimbai enggau pengawa ngintu genap taun Ke- 108 Grand Old Lady of Miri kena 22 Disember, pengarang ‘Sarawak The Real Deal’ enggau ‘ Sarawak Chronicle’, Lina Soo deka bisi di Miri meri licha ba mua mensia mayuh pasal Ordinan Perlombongan Minyak Sarawak ( OMO) enggau Sempekat Malaysia (MA63).

Grand Old Lady iya nya telaga minyak keterubah ba Sarawak enggau pulau Borneo ti terubah dikali kena 22 Disember 1910 ba Canada Hill, ti mega dikelala ngena nama Bukit Telaga Minyak.

Palan ti tebilang tu bisi 30 meter peninggi lalu ba sebuah genturung pendiau raban berikan mit adap utara Sarawak ke Miri.

Diatu, Grand Old Lady dipebasa nyadi monumen sejarah ungkup industri minyak Sarawak sereta nyadi pematak besai bala temuai ngagai Miri.

Kelimpah ari bup pasal sejarah Sarawak belalauka dokumen British, Lina mega nyelak baru artikel The National Geographic Magazine ‘Sarawak: Land of the White Rajahs’ ti dikeluar dalam taun 1919.

Dikarang Harrison W Smith, artikel sejarah besejarah taun nya nyerita pasa pengidup enggau budaya komuniti Dayak Sarawak, disempulang 60 gambar chelum burak.

Bup dichelak baru nya tau dibeli enggau rega RM20 sit maya licha nya ila

Licha OMO MA63 berengkah urung pukul 2 lemai 22 Disember tu ba Hote Dynasty Miri lalu tama nada bebayar.

Penerang silik, Lina tau ditanya nengah lumur 0145950511.