Sibu Jaya deka dikemansang manah agi
Kerejasama ari semua beguna nyaup MDLBS ngatur mengeri tu nyadi palan ke richah
“
Komuniti Sibu Jaya empu ulih datai ngagai opis MDLBS mantaika buah penemu awakka sama besaup ngemansangka menua kitai nyadi lebih mansang
” sereta moden.
SIBU: Tiga kaban Opis Kaunsil Pelilih Menua Pesisir Sibu (MDLBS) ke megai tanggungpengawa ungkup zon Sibu Jaya iya nya Kaunselor Kong Yii Tee, Kaunselor Halimah Japar enggau Kaunselor Matthew Chuat udah meri basa ngagai sukung enggau kerejasama tegap ke diberi ngagai sida nengah Distrepark Sdn Bhd, konteriktor besai mengeri tu.
Ngelansa pasal pengerami gempuru Krismas ke diatur ba galeri Distrepark Sdn Bhd di Sibu Jaya apin lama ke udah, Kong madah, kunteriktor nya udah bejalaika tanggungpengawa enggau manah dikena nentuka Sibu Jaya nyadi sebengkah mengeri ke richah sereta dikemansang enggau meruan.
“Bakih aku enggau aku empu sedar kunteriktor enda ibuh ngaga mayuh pengawa pengudah sida nyerahka projek ke udah tembu ngagai MDLBS.
“Tang, sida terus mantu, ari sukut landskap enggau ngaduka pekara rusak kelimpah nyadi penyambung entara komuniti dagang di Sibu Jaya enggau MDLBS,” ku iya.
Program lemai nya, ku iya endang sebengkah ari kelai semangat rayat ke nyukung pengawa digaga konteriktir lebih agi begulai enggau tiga iku kaunselor ari zon Sibu
Kaunselor Kong Yii Tee
Jaya tu nyadi tuai pengerami ba palan nya, ku iya.
Kong ngarap kaul nya deka terus ditampung nyadika sakang ti ngasi ngagai tanggungpengawa MDLBS ba taun 2019.
“Laban Sibu Jaya deka terus mansang, nyadi palan dagang iya deka terus ditangkir, endang patut semua piak, peranak, komuniti dagang, kunteriktor, enggau MDLBS terus besaup ngereja pengawa,” ku iya.
Sibu Jaya balat mansang enggau lebih ari 6,000 buah rumah sereta lebih 30,000 populasi ti begunaka kerejasama ari semua pihak nempa iya nyadi chuan mengeri chunto ngagai nengeri tu.
“Berunding panjai lalu anang ngaga ubah kediri enti nadai kerejasama baka tu.
“Komuniti Sibu Jaya empu ulih datai ngagai opis MDLBS mantaika buah penemu awakka sama besaup ngemansangka menua kitai nyadi lebih mansang sereta moden,” ku iya nerang enggau nyemetak.
Berebak enggau nya, Kong madah peranak Sibu Jaya patut nemu nengah ubah kemaya hari, ulah ke lama baka nupi mayuh manuk, betanama ba tisi jalai, nupi ukui nadai tatak patut dikurang.
“Kami engggai ulah baka tu nachatka Sibu Jaya nyema iya nadai dijaga enggau manah. MDLBS udah bekerejasama enggau semua piak nentuka ubah runding nya beguna amat dikena nyapai juluk semua piak,” ku iya.
Transformasi pemansang mengeri Sibu Jaya endang chukup nyata, ari sukut jalai alun ke diias enggau pun kayuh nyentuk ngagai kedai besai ngemanah agi rampa menua mengeri tu.
“Udah datai maya iya kitai meda enggau semak agi baka ni kitai bela ngemanahka rampa menua Sibu Jaya dikena matak penatai temuai ari luar,” ku iya.
Pengerami nya ngemataka penatai bala pemesai ari Distrepark Sdn Bhd, pengari komuniti dagang enggau raban volunteer nembiak ke regas nyereta servis volunteer komunti ba Sibu Jaya.