Anang nguji nagang Anwar dichiri nyadi PM Ke-8: Dr Idris

Orang lama Reformis 1998 netap penemu deka ngasuh Datuk Seri Anwar Ibrahim dichiri nyadi Menteri Besai (PM) ke-8 dalam timpuh dua taun lalu deka naka ulih ngelaban barang saja nguji ngemuntanka pengawa betukar kuasa nya.

Chairman iya, Dr Idris Ahmad madah bisi sekeda piak dipeda nguji ngemuntan pengawa betukar kuasa tu baka ke udah dipekat nengah Kaunsil Presiden Pakatan Harapan sebedau Pengawa Bepilih Besai ke-14 ke udah.

Ku iya, tu nyengkaum bisi perambu delegit Bersatu maya Aum Besai Bersatu apin lama ke udah minta Tun Dr Mahathir Mohamad terus nyadi menteri besai pengelama sepenggal.

“Enti diperati silik Aum Bersatu, bisi pengawa dipandangka bala kaban Bersatu, nyata amat bisi piak deka nagang Anwar,” ku iya nengah sebengkah aum media ditu kemari.

Berindik ari nya, Dr Idris madah piak iya ngarika urung 1,000 kaban ti ngasaika patut madahka buah penemu diri bekaul enggau pekara nya, awakka semua penemu ke bisi dibantai bekaul enggau isu nyiri Anwar nyadi menteri besai badu agi disebut tauka ngasuh orang saru penemu,

Ku iya nyemetak, nyema pekat nya enda dititih, piak sida deka ngelaban enggau pengabis ati.

“Kami bisi pelin kediri. Maya ‘soldadu’ bejalai, kita enda tau madah nama stretegi kita. Enti udah datai maya iya baru kitai ngayan diri nitihka pematut. Aku enda tau mantaika strategi kami,” ku iya.— Bernama