Raban nembiak patut fokus ngagai pekara pelajar
Sida dilalau anang mudah teparuk enggau ulah rama ke nadai meri penguntung tauka semina masau jam
“
Maruk diri ba pekara ke enda manah deka ngerusak nama diri sebilik enggau bansa. Anang masau jam ‘bemain’ enggau ngereja pengawa ke enda
” menuku.
MALUDAM: Raban nembiak dilalau ngambika enda mudah teparuk engagu ulah rama tang patut fokus ngagai pekara pelajar sida.
Kaban Kunsil Nengeri (ADUN) Lingga, Simoi Peri madah bala nembiak lebih agi ke benung belajar ba sekula primari patut ngemeratka pekara pelajar lalu nyeliah diri ari ngereja pengawa ke nadai meri penguntung sereta semina masau jama sida.
“Maruk diri ba pekara ke enda manah deka ngerusak nama diri sebilik enggau bansa. Anang masau jam ‘bemain’ enggau ngereja pengawa ke enda menuku.
“Taja penanggul rama ba raban nembiak kemaya hari ba tikas ti enda ngirauka ati, apai indai patut seruran bejimat awakka enda ngelakka anak sida ari kena palit,” ku iya.
Iya madah munyi nya rambau Program Nyambut Taun Baru 2019 begulai enggau Nembiak sereta Beliawanis di Kampung Maludam, Betong ditu kilah malam ensana.
Kenu ku iya, bala nembiak patut ngena peluang ke udah diberi dikena nambahka mayuh penemu diri.
“Aku andal, bala nembiak sekula kitai, patut belajar bebendar nyikap diri sereta ngerebut peluang ke bisi disedia perintah.
“Baka ke udah ditemu kitai, perintah endang bebendar ngemansangka infrastruktur
Simoi Peri ADUN Lingga
pelajar ba serata menua dikena ngangkatk agi tikas pelajar rayat,” ku iya.
Simoi nyemetak madah, menua endang beguna amat ngagai orang ti landik gawa sereta sereta chukup latih dikena neruska agenda pemansang lalu perintah benung nusun atur dikena ngenegap agi pengereja pengawa enggau jampat.
“Nya alai, raban nembiak endang dikearap ulih ngemansangka menua tu. Nyema bala nembiak kitai teparuk enggau penanggul rama, nyadi menua deka kurang pengereja pengawa jemah ila,” ku iya.
“Justeru, kitai ngarapka raban nembiak enda terundarunda enggau pekara ke bisi ngelinggi sida laban chukup mayuh penguji.”
Berebak enggau nya, Simoi madah genap gerempung ba nengeri tu patut ngatur aktiviti komuniti dikena nempa penyerakup mensia mayuh.
Kenu ku iya, perintah sigi meransang genap komuniti nyereta gerempung dikena nanggam kerejasama sereta penyerakup enggau pangan diri.
“Pengawa nyereta aktiviti komuniti nengah gerempung ba nengeri tu beguna amat dikena nyapai juluk nyadi komuniti ti ngembuan kaul ke tegut sereta bisi pengelantang,” ku iya.
Simoi madah gerempung mega ngembuan tanggungpengawa ke berat dalam ngelakuka adat sereta main asal pupu bansa di Sarawak.
“Genap bansa di nengeri tu ngembuan adat enggau penyelai main asal diri empu. Nya alai, nengah gerempung kitai bepeluang ngangatka agi main asal nya ngagai renggat ke lebih tinggi,” ku iya.
Simoi mega madah, ayu kerejasama, pemagas enggau pengelurus ba raban ketuai sereta kaban gerempung entara pekara beguna dikena ngetanka penegap sesebengkah gerempung.
“Ulah ke baka nya patut dikembuan genap gerempung dikena nentuka gerempung seruran idup sereta ngetanka kerejasama,” ku iya.
Sama bisi datai ba program tu, ketuai raban bansa ba sitak Maludam.
Program sehari nya dirichahka enggau bemain aktiviti baka pekit karaoke ari bala nembiak, nyabut tiket betuah enggau nganti penatai taun baru.