ACS arapka peranak Sarawak seruran bebasaka pangan dir

Gerempung Serakup Gerija Sarawak (ACS) besampika peranak Sarawak seruran ngemeranka ulah bebasaka pangan diri nada ngira bansa, pengarap, status tauka bida politik.

“Aram kitai bela fokus ba pengawa ngaga ubah nuju pemaik ba taun 2019, nagang dir ari ngereja ulah ti tau ngasuh nyima, ngemaruh, ngemelik tauka ngemba orang bukai,” ku Sekretari Besai ACS, Elder Ambrose Lianang lama ke udah.

Berebak enggau nya ku iya raban bansa ba nengeri tu mega patut mutarka laya enggau bida penemu nengah kaul t meruan sereta lurus.

kelimpah ari nya ku iya genap iku kitai mega patut nulak sebarang pengawa t nyiping, kelalu angkun, ekstremisme sereta ulah ti enda patut ti tau ngasuh sebarang orang tauka gempung charut nyengkaum ulah ti tau ngeruga pengelantang enggau penyerakup.

“ACS deka seruran besampi ngambika Suman enggau Bebaik ngagai semua peranak Sarawak, besampika pengelikun dunya, besampika raban seranta, bala kampar, orang t datai nandang enggau sida t dikelaung,” ku iya.

Ba lansa bukai, Ambrose madahka ACS mega mer terima kasih ngagai perintah nengeri di baruh pegai Kepala Menteri Datuk Patingg Abang Johari Tun Openg ba geran ti udah diberi ngaga gerija ba Sarawak.

Pia mega ku iya, ACS ngenang jasa sereta nerima manah pengawa numbuhka Unit Pekara Pengarap Buka (UNIFOR) dipejalaika perintah nengeri, ti diintu Sapit Kepala Menteri Datuk Amar Douglas Uggah Embas.

“ACS seruran besampika Tuai Pemegai Menua (TYT) Tun Pehin Sri Abdul Taib Mahmud, Kepala Menter enggau bala kabinet iya raban polis enggau soldadu staf gawa perintah ba semua renggat, bala kaban gempung akim sereta semua ketuai raban bansa.

“Ngarapka sida megai enggau ngatur pengawa nengeri tu ngena pemintar, lurus enggau sebela,” ku iya.