Polis mujur ngetan dua saspek kes dadah, nyerungkai kerita
Polis ngetan dua iku orang nyengkaum siku indu enggau siku ulun dadah ba sebengkah pengawa nyerebu ba sebuah rumah di Batu Satu Jalai Kubong lemai Hari Satu tu tadi.
Saspek beumur 27 enggau indu beumur 40 ke mega nadai batang pengawa nya ditan urung pukul 4.45 lemai.
Ketuai Polis Pelilih Limbang Superintenden Mohd Bukhori Saffai madah, asil diperesa kededua saspek dia polis tetemuka syabu dilalai sedua ba dalam rumah nya.
“Asil diperesa ngagai seduai ya dia kami bisi tetemuka syabu berat 1.34 berega RM230 ari seduai iya.
“Kededua saspek mega positif Methapetamine enggau Amphethamine asil ari ai kemi ke diperesa raban polis,” ku iya.
Kenu ku iya, sida mega tetemuka rikod baru ba penyalah ke sebaka lalu deka dipansik nitihka Seksyen 12(2) Akta Dadah Berbahaya ( ADB) 1952 enggau Seksyen 15(1)(a) ADB 1952.
Nangkan nya, ku iya siku pengajar, umur 26 taun rugi RM3,100 pengudah sekeda kereban kerita ke ditinggal iya ba palan paking beringkat di begunan Limbang Plaz kena serungkai penchuri kena Hari Satu tu tadi.
Penusah nya ditemu iya pengudah datai ba mengeri nya uurng 3.15 petang pengudah ke kemisi nembiak sekula urung sebulan ke udah di Sibu.
Mohd Bukhori Saffai madah pengudah kerita nya diperesa sekeda kereban kerita nya ditabanka penchuri.
“Entara barang ke lenyau nyengkaum bangku mua deriba enggau penumpang, siti radio elektronik ECU, bateri kerita enggau lapik pintu luan entukar,”ku Bukhori seraya madah palan endur engkah kerita udah nginsit ari asal dipelaba ditulak saspek gambika nyeliah diri ari dipeda mensia mayuh kelimpah ngemuntng seduai ngulihka perengak dalam nya. Kes dipansik nitihka 379A (1) Kanun Keseksaan.
Ba sebengkah agi kes ke nyadi ba endur bukai polis tetemuaka barang dipelaba dichuri ari pendam Islam di Jalai Pandaruan ensana.
Ku iya. tu mungkur perengka baka speaker, siti dekoder, seiti emain cakera video digital (DVD), dekoder Astro, enggau mayuh agi barang elektrik bukai.
Pengawa tetemuka barang nya, ku iya digaga pengudah kededua saspek beumur 20 enggau 40 mandangka ngagai kaban polis palan nya ensana pengudah sida ditan kena 25 Dec tu tadi.