Sebuah entukar ti belantak enggau lori kargo di Jalai Repok udah ngujungka jalai sekut
Siti kes belantak di jalai alun ke udah ngaul sebuah lori kargo enggau sebuah entukar ti nyadi enda jauh ari ‘The Borneo Post Office’ kemari udah ngujungka jalai dia sekut enda lama di Jalai Repok.
Ari ripot sida ti bisi meda penusah nya nyadi madahka kes bebadi tu ketegal penyalah penguna jalai alun empu, kelebih agi sida ti mai mutosikal.
“Kes bebadi tu enda patut nyadi kelebih agi ba jalai begembar lalu nya pun lebih mimit ari penyauh 100 meter nuju ke lampu trafik, nya alai tu ukai endur mai entukar enggau laju,” ku ripot siku ari sida ti bisi meda penusah nya nyadi.
Pekara ti endang nyata ke ngasuh penusah tu nyadi ke lalu udah ngujungka jalai sekut iya nya jalai ti begem- bar tang semina sepiak aja ulih ditengah ketegal sekeda penguna jalai ngengkahka perengka pengangkut sida ba sepiak jalai agi, pia ku komen sida.
Bejaku bekaul kes belantak nya, iya madahka tu sekalika berindik ari salah lori nya ti tauka endang salah deriba entukar ti nengah jalai muakka dalam, ku sida ti meda penusah nya nyadi, lalu nambah madahka mensia mayuh ti ngengkahka entukar sida ba muakka dalam jalai pan ngasuh penusah bansa tu ulih nyadi laban kebuah pia, sida ti mai mutosikal ke endang nengah jalai ti muakka dalam nya lalu nyeliah nengah jalai sepiak agi.
Kelimpah ari nya, entara pekara bukai ti ngujungka jalai dia nyadi sekut mega ketegal pengawa ngeluarka produk betanam betupi ti deka dijual lalu sida ti bebelika barang.
Taja pia, penyekut jalai ti berindik ari penusah nya nyadi lalu pulai ngagai asal sepengudah raban polis tembu pengawa nasat ba endur penusah nyadi.