Rayat patut nemu silik pasal penumbuh menua Malaysia
Pia mega rayat patut nemu hak diri baka ke udah dipekat dalam MA63
KUCHING: Dokumen, tuju enggau sempekat asal ke bisi dalam Sempekat Malaysia 1963 ( MA63) agi beguna nyentukka sehari tu baka ba taun 1963.
Siku pemansik politik, Prof Dr Jayum Jawan madahka semua parti sereta rayat nemu penumbuh Malaysia bepelasarka MA63.
“Enti nadai MA63, nadai Persekutuan Malaysia. Nya alai, dokumen sereta tuju enggau sempekat asal ti bisi dalam nya agi beguna sehari tu baka ba taun 1963.
“Sida ke deka ngangkaika prinsip asas Malaysia patut pulai baru ke sekula sereta belajar baru sejarah.
“Raban biak rayat Malaysia mega patut ulih meretika pugu tu ngambika enda semina bejaku enggau nadai asas ti tegut, udah nya lalu narit pulai baru nama ke udah disebut,” ku iya madah ngagai Utusan Borneo.
Bejaku baru iya ti kala nyadi madahka Malaysia iya nya persekutuan ti nyelai, lalu semua menua tauka nengeri dalam bisi kuasa ti sama.
Ambika chunto ku iya, ba AS ku iya semua 50 buah menua tauka nengeri dalam bisi kuasa ti sama, tang nya
“
Enti nadai MA63, nadai Persekutuan Malaysia. Nya alai, dokumen sereta tuju enggau sempekat asal ti bisi dalam nya agi beguna sehari tu baka ba
” taun 1963.
enda nyadi ba persekutuan Malaysia laban semua 11 nengeri di Semenanjung, Sabah enggau Sarawak diberi kuasa baka ke disebut dalam State List (Ninth Scheduled of the Federal Constitution).
Nambah nya Sabah enggau Sarawak diberi kuasa lebih baka ti diliska dalam lis tambah ngagai State List. Nya kebuah Sabah enggau Sarawak ukai semina dua nengeri dalam federation tang dua wilayah dalam tiga integrasi rantau di Malaysia.
Taja pia ku iya, MA63 enda ditulis ba atas batu. Iya (MA63) ukai Quran tauka Bible ti enda ulih diubah. Keterubah iya nya (MA63) ditulis by men and for men, so men ulih ngubah, nambah, muai nya tauka sekeda ngambika lebih manah.
“Tang ubah enggau ulasan pasal MA63 enda ulih semina bepelasarka sereta terhad ngagai sekeda isu aja tang patut mungkur semua pekara,” ku iya.
Isu pasal mulaika baru hak dalam MA63 ngagai Sarawak enggau Sabah ke udah dilanggar ulih perintah besai enda patut nyadi sereta ba penuduk atas, ku iya.
Laban nadai utai ke diber pulai baru iya nya hak asa ke diberi ngagai Sabah enggau Sarawak ti nyadi asas dikena numbuhka menua bansa baru.
Ku iya, polemik tu iya nya dipolitikka sereta enda mai pemanah perintah enggau pemesai ti manah sereta kaul entara perintah nenger enggau besai udah terang bendar dalam Perlembagaan Pesekutuan.
“Kededua pemesai perintah nengeri enggau besai dipilih ulih rayat ngambika merintah sereta nyadi ketuai, nya kebuah patut mekuh ngaga tenaga enggau sumber dir empu dikena menjamin kepercayaan ke udah diberi ngaga sida,” ku iya ti kala gawa ba Universiti Putra Malaysia (UPM) nyadi Profesor Politik enggau Pemansang.
Jayum mantaika penemu nya lebuh ke dipinta ngenang pasal MA63 ke dikerandau Jawatankuasa Perundingan MA63 Sarawak dalam aum t bechairmanka Kepala Menter Datuk Patinggi Abang Johar Tun Openg sereta asil aum Jawatankuasa Kabinet Khas MA63 kena 17 Disember 2018 di Kuala Lumpur ti bechairmanka Menteri Besai Tun Dr Mahathir Mohamad.
Prof Dr Jayum Jawan Pemansik Politik