Pelilih menua Kabong bepenau besai mansang asil sukung komuniti
Pelilih Kabong agi tubah randaka pemansang sereta begunaka sukung enggau bantu ari komuniti ditu empu.
Ex- Pemesai Opis Kaunsil ( DO) Kabong Kamaludin Alkap madah, pelilih Kabong ngembuan penau besai terus mansang laban ngembuan mayuh pekara manah.
“Kabong begunaka pelin pemansang strategik lalu pengawa dikena nyapai nya patut ditegap.
“Berebak enggau nya, Kabong patut bisi kaunsil pelilih kediri empu ngambi ulih ngubah landskap pemansang ba pelilih menua tu.
“Nya pekara tu patut diperunding enggau berat raban piak bekuasa kandang menua dikena nentuka bisi pekuang dikena mai pemeranak puku luar tama lalu ngemataka bisi ubah ke jampat ba pelilih menua tu sepanjai maya awak meri pangka positif ngagai semua piak,” ku iya.
Kamaludin madah munyi nya rambau Pengerami Kelai Betukar Tanggungpengawa Pemesai Pelilih Kabong di Pantai Tanjung Kembang ditu kemari.
Pengerami nya dikemataka Kaban Kunsil Nengeri ( ADUN) Kabong Mohd. Chee Kadir enggau bini iya, Meryani Yasin.
Kamaludin badu gawa laban pinchin lalu pengawa iya ditukar DO baru iya nya, Rashdan Hazemi.
Kamaludin udah gawa ba opis perintah pengelama 35 taun tiga bulan lalu kepenudi iya gawa nyadi DO Kabong pengelama tiga taun tiga bulan.
Ba jaku iya, Kamaludin mega madah timpuh ke pandak nya natak pengawa iya deka meda mayuh agi ubah ba pelilih tu.
“Siti ari sektor ke patut diberi perati iya nya sektor betanam betupi endang entara sektor ke nyukung pemansang sektor dagang temuai laban keresa ke bisi ba sitak tu patut diguna enggau manah.
“Pemansang ekonomi dipelilih tu entara 2.5 peratus setaun nitih rikod ari 2016 nyentuk 2018.
“Reti nya peranak semina nguna belanja urung RM20.50 sehari lalu tu nyangka agi mimit patut dikemansang agi,” ku iya.
Berebak enggau nya mega, ku iya peranak ba pelilih tu endang ngarapka perengka bekaul enggau pengerai dikemanah agi.
Nya alai, iya ngarap DO baru deka bebendar agi ma pelilih menua Kabong ngaga tikas pemansang ke lebih menyana ke pemaik rayat besemak.
Rashdan maya ngepunka pangku pengawa iya nyad DO Kabong ke baru apin lama udah. Bisi nyebut, iya ngarao sepanjai gawa dia ila semua pia ulih meri kerejasama ke manah ngagai iya awakka pelilh Kabong majak mansang ngerembai.
Bela datai ba pengeram tu iya ketuai raban bansa enggau ketuai komuniti ar pelilih menua Kabong enggau Roban.