214 iku nembiak SK Gran Stumbin nerima beg sekula ari Simoi
Urung 214 iku nembiak ari Pra nyentuk Primari enam ba Sekula Primari (SK) Gran Stumbin, Sri Aman nerima bantu beg sekula ari Kaban Kunsil Nengeri (ADUN) Lingga, Simoi Peri ditu pagi kemari.
Simoi madah, pengawa nyuaka beg sekula enggau kereban sekula nya endang pengawa ninting taun digaga Palan Servis Pengari Rayat ADUN Lingga ungkup sekula- sekula perintah di DUN Lingga.
Kenu ku iya, ngelama tu iya mega bisi nyuaka bantu ke sama ngagai 28 iku nembiak ari Sekula Primari (SK) Pulau Seduku, Lingga enggau urung 37 iku nembiak ari SK Saint Dunstan, Seduku ungkup tuju ke sama.
“Laban ke nyadi pengari rayat sitak tu, aku ngarap bantu ke diberi ulih mantu ngelempungka tating belanja apai indai ke bekaul.
“Tu endang bantu ke diberi kami nengah Palan Servis Pengari Rayat ungkup sitak DUN Lingga,” ku iya rambau Pengerami Nyuaka Beg Sekula ungkup SekulaSekula ba sitak DUN Lingga bepalan ba SK Gran Stumbin ditu pagi kemari.
Ba pengerami nya mega, iya bisi nyuaka geran bantu ninting taun ngagai Ger- empung Apai Indai enggau Pengajar (PIBG) SK Gran Stumbin dikena mantu sida ngatur aktiviti sekula nya.
Sama bisi datai ba pengerami tu, Kepala Pengajar, Pilling Entingik, Sapit Ket- uai Pampang Parti Pesaka Bumiputera Bersatu (PBB) Lingga, Mohd Yusuf Lugom, Kaunselor Kunjang Nanang sereta bala kaban pengajar kanan sereta apai indai nembiak.