Polis Sibu mujur ngurangka kes penyalah di pelilih tu

Penyampau kes penyalah ti kurang tu ngayanka raban polis di pelilih nya udah bejalaika tanggungpengawa enggau manah

Utusan Borneo (Sarawak) - - Berita Iban -

SIBU: Kes penyalah ba pelilih tu udah nunjukka penyampau ti nurun ke endang ngemegahka semua, ku Ketuai Polis Pelilih Sibu ACP Stanley Jonathan Ringgit.

Ku iya nerang, statistik enda beguna lalu pekara pemadu beguna iya nya nunjukka pengeransing ngemunaska penyalah.

“Ba Indu Opis Kontinjen (IPK) Sarawak, raban kitai bisi rikod penyulut ti manah sereta semua tanggungpengawa ti dilempai ke nitihka Indeks Penyulut Pengawa (KPI) kitai mega udah dipejalai enggau manah.

“Tu nempa raban kitai sama tikas enggau raban bukai ba pelilih menua besai bukai ti bela nyapai pemujur kelebih agi ba pengawa ngemunaska penyalah.

“Ari pengawa semua kitai ngelama tu, nunjukka komitmen tinggi kitai ngurangka penyalah ditu,” ku iya lebuh bejaku ba Majlis Penyematan Pangkat Pegawai Rendah Polis di Indu Opis Polis Pelilih (IPD) Sibu ditu, kemari.

Sepenyampau 10 iku peme-

Ba Indu Opis Kontinjen (IPK) Sarawak, raban kitai bisi rikod penyulut ti manah sereta semua tanggungpengawa ti dilempai ke nitihka Indeks Penyulut Pengawa (KPI) kitai mega udah dipejalai

” enggau manah.

ACP Stanley Jonathan Ringgit Ketuai Polis Pelilih Sibu

sai polis udah nerima ditikika pangkat ti dipenyadika Stanley.

Sama datai Ketuai Unit Kerita Peronda Polis IPD Sibu ASP Kushairy Bujang.

Ba lansa bukai, iya mega ngingatka raban sida nerenakka ulah ti taluk begulai beraban enggau ngetanka disiplin pulaika pemaik raban.

“Ari komitmen enggau kerejasama antara kitai deka ngelancharka agi servis kitai gawaka bala komuniti.

“Semengatka talukka bala bakih mega beguna amat dalam raban tu,” ku iya madah nyemetak.

Stanley mega ngansak raban sida enda ngelabuhka bala bakih bukai ari ulah ngerembaika penerang diri bakih sama gawa enggau sida.

“Ari teknologi ti canggih diatu, anang kitai ngereja pengawa tau ngamahka nama bala bakih sereta ngamahka nama raban kitai ari ulah baka nya.

“Aku nagang amat lalu beratika ulah ngerembaika penerang tu laban tau ngachau komitmen kitai lalu ngamahka nama raban ba mata mensia mayuh,” ku iya.

Berebak enggau nya, iya meransang raban sida nampung pelajar tinggi agi di laur kampus enti bisi awak enggau rejeki dudi hari.

“Ambi teladan ari pengawa tu nyadika peransang kitai ngambika enda ngetu belajar ngiri penemu.

“Tampung pengawa ngangkatka diri tauka ngemajuka diri empu ngena penemu ti bekaul enggau kereja kitai tu.

“Ari penemu ti diiri, tu chara kitai ditikika pangkat sereta nambahka agi peny- ulut kereja,” ku iya seraya ngingatka raban sida enda ngeninggi diri pengudah bis pelajar tinggi.

ALBUM: Stanley (duduk tengah), Kushairy (duduk, tiga kanan) begambar ungkup kenang begulai enggau bala pemesai polis enggau sida ti nerima ditikika pangkat rambau Majlis Penyematan Pangkat Pegawai Rendah Polis di IPD Sibu, kemari.

Newspapers in Malay

Newspapers from Malaysia

© PressReader. All rights reserved.