16 Jan ditetap JPBN ngepunka Bengkel Anti-Rabies 2019: Uggah
JBPN enggau ejensi bukai ti menggi tanggungpengawa deka berati baru strategi diatu dikena mutarka Rabies kelimpah ngelanggur strategi baru
“
Pengawa ngemunaska igi penyakit Rabies chukup mar ke alai pemesai enggau garis entara nengeri Sarawak enggau Kalimantan, Indonesia besai
” amat.
Datuk Amar Douglas Uggah
Sapit Kepala Menteri Sarawak
KUCHING: Komiti Pemutar Penusah Ngenyit Nengeri (JPBN) Sarawak deka ngatur Bengkel Anti-Rabies berengkah ari 16 Januari ba selampur nengeri kelimpah ba Limbang, ku Sapit Kepala Menteri Sarawak, Datuk Amar Douglas Uggah.
Ku iya, nengah bengkel tu, JBPN enggau ejensi bukai ti menggi tanggungpengawa deka beratika baru strategi ti bisi diatu ba pengawa mutarka igi penyakit Rabies kelimpah ari ngelanggur strategi baru.
Naka diatu, sepenyampau 15 iku bebadi nyawa ketegal ketup ukui gila udah dirikot, kenyau ari igi penyakit nya be- rengkah ditemu dalam bulan Julai 2017 suba.
“Pengawa ngemunaska igi penyakit Rabies chukup mar ke alai pemesai enggau garis entara nengeri Sarawak enggau Kalimantan, Indonesia besai amat.
“Pia mega bisi penanggul ukui tupi lelang jauh dataika tama ngagai ladang di menua ulu enggau besemak enggau garis entara menua,” ku iya ti mega Chairman JBPN ba penerang ditu, kemari.
Ngelansa silik ku Uggah, nyentuk diatu ari 225,000 iku ukui ke bisi ba Sarawak, sepenyampau 109,216 iku udah dituchuk vaksin.
“Taun tu JPBN nagit deka nuchuk vaksin abis nadai 70 peratus penyampau ukui ke bisi kelimpah nampung Program Vaksinasyen Rabies dataika nengeri tu dituku kuru Rabies.
“Ngelansa pasal peresa ti dipejalaika ngagai ukui, ari 928 sampel ti diperesa, 323 ditemu positif Rabies lalu urung 14,000 ukui lelang udah dipunas,” ku iya.
Kelimpah ari nya, iya mega ngansak semua pengempu jelu tupi nganjung baru jelu nya ngambika dituchuk vaksin pengudah setaun ari hari bulan kepenudi dituchuk vaksin. — Bernama