Kerejasama rat kaban SUPP ngenegapka sukung parti lebuh napi pemar
Kerejasama entara kaban Parti Sa’ati Rayat Sarawak ( SUPP) chukup beguna dikena ngenegapka sukung sereta ngerembaika agi pengawa parti napi pemar enggau penanggul besai.
Menteri Muda Pengelantang Komuniti, Datuk Francis Harden Hollis madah, penemu dalam nitih polisi parti kelimpah ulih nerang enggau nyemetak mayuh bengkah isu ti patut ditimbal lalu patut terang ngagai mensia mayuh ti kurang mansik sesebengkah penerang.
“Kitai kaban parti SUPP patut seruran bekerejasama enggau pangan diri ngambika parti terus kering sereta dikerinduka rayat.
“Genap isu ke bisi tebantai meseti diterang enggau nyemetak awakka rayat mayuh enda mudah saru penemu,” ku iya.
Harden ke mega Kaban Kunsil Nengeri ( ADUN) Simanggang mansutka lalau nya rambau nyadi chairman Aum Numbuhka Indu SUPP Pampang Lingga diatur ba Rumah Kaunselor Lansing, Kampung Putat Sri Aman kena pagi Hari Enam minggu nyin kemari.
Ngelansa sentang pemansang ekonomi, dia Harden meransang genap kaban SUPP meseti chakah ngemesurka diri ba pengawa dagang be- tanam betupi enggau kraf jari awakka ulih nyadi chunto ngagai orang bukai ti bisi pengingin deka ngubah tikas pengidup.
“Aku deka meda bala kaban Indu SUPP Lingga ditu lebih proaktif ba dagang betanam betupi enggau kraf kari awakka kita ulih nyadi ‘role model’ ngagai orang bukai ti bisi juluk deka teulihka pemansang ba pengidup,” ku iya.
Nangkan nya, Harden meri pengaga ati ngagai kaban komiti Indu SUPP Pampang Lingga ke udah mujur dipilih ba aum nya lalu arapka sida ulih bejalaika tanggungpengawa diri enggau manah.
Entara tusun nama komiti ke udah dipadu ba aum tu iya nya ngemataka Chairperson Kaunselor Lansing anak Bansi, Sapit Chairperson Flora anak Tumbit, Mandal Chairperson Rose anak Gruntang enggau Janet anak Tambal.
Sekretari Dora anak Ugak dibantu Dira anak Blawan. Tukang Wang Sira anak James Junit dibantu Betty anak Ata.
Ketuai Pengatur Program Surry anak Remaw@Surry anak Remau dibantu Alice anak Umpang.
Ketuai Penyambung Mensia Mayuh Esther anak Jangang dibantu Sebelas Bunga anak Deris.
Ketuai Rekreasi Pelis anak Remau dibantu Lita anak Jelemin. Ketuai Pengintu Pengelantang Pendiau Selia anak Duat dibantu Roselind anak Nanang.
Ketuai Latih Midah anak Nathan dibantu Selina anak Buyam. Udah nya, sida ke dipadu nyadi kaban komit mit (AJK) iya nya Lada anak Utek, Iyak anak Tading, Lun anak Impin, Maria anak Blalang enggau Rosawada anak Samson.