Penerang penumbuh Malaysia patut dikemetul, ditemu
Penerang ke amat sejarah Sarawak numbuhka Malaysia patut dikemetul enggau ditemu mensia mayuh, ku Lee
MIRI: Penerang ke amat ba sejarah Sarawak nyereta pengawa numbuhka Malaysia patut dikemetul enggau ditemu mensia mayuh, ku Menteri Muda Dagang Temuai, Seni enggau Main Asal, Datuk Lee Kim Shin.
Ku iya, Malaysia ditumbuh ari Sarawak, Sabah, Singapore enggau Malaya kena 16 September 1963 di baruh Sempekat Malaysia 1963 (MA63).
“Sebedau penumbuh nya, nadai menua dikumbai Malaysia. Singapore matak diri dalam taun 1965. Malaysia diatu datai ari tiga bakih kunsi, Malaya, Sabah enggau Sarawak.
“Rayat Sarawak patut nemu kitai ukai siti ari 13 buah nengeri, tang kitai dikelala nyadi bakih kunsi,” ku iya.
Lee mansutka jaku nya rambau program Pejalai Mai Tambai Gabungan Parti Sarawak (GPS) 2019 diatur Raban Nembiak enggau Raban Indu GPS di Balai Suarah Miri, malam kemari.
Kaban Kunsil Nengeri (ADUN) Senadin nya mega ngansak Opis Menteri Pelajar patut ngemetulka penerang ke amat dalam bup Sejarah
“
Sebedau penumbuh nya, nadai menua dikumbai Malaysia. Singapore matak diri dalam taun 1965. Malaysia diatu datai ari tiga bakih kunsi, Malaya, Sabah enggau
”
Sarawak.
Datuk Lee Kim Shin
Menteri Muda Dagang Temuai, Seni enggau Main Asal
kelebih agi pasal penumbuh Malaysia sereta enda tau enda nyadi batang subjek ba sekula sekondari serata menua.
“Kebuah pia ngambika semua rayat kelebih agi rebak biak nemu enggau bebasaka pekara ke amat penumbuh Malaysia enggau hak sereta sekeda autonomi nyadi bakih kunsi baka Sarawak enggau Sabah ti bisi hak sida empu.
“Kelimpah ari nya, tu dikena nyeliahka bisi ati kakang tauka saru penemu ngagai bala ketuai enggau rayat ba penumbuh Malaysia,” ku iya madah nyemetak.
Berebak enggau nya, Lee mega ngingatka rayat Sarawak seruran begempung enggau meri sukung tegut ngagai GPS di baruh embing Kepala Menteri Datuk Patinggi Abang Johari Tun Openg.
“Nadai sapa ulih nyaga Sarawak kelimpah ari peranak Sarawak empu. Besaup kitai nentuka Sarawak dijaga memanah baka pesan exKepala Menteri kitai, niang Pehin Sri Adenan Satem (Tok Nan).
“GPS seruran naka ulih gawa ngenataika mandat ti udah dilempaika rayat Sarawak,” ku iya.
Bala ke bisi datai malam nya diau enda lama enggau nungkun dian kelai ngenang pemidang niang Tok Nan ti midang kena 11 Januari 2017.
Ba lansa bukai, raban bejalai ngemai tambai GPS 2019 datai ba laman Balai Suarah Miri urung pukul 8.40 malam kemari ari Limbang, mantaika gerempung politik peranak menua tu.
Pengawa mandangka lambang enggau lagu GPS mega dipejalai nengah renggat pejalai selampur nengeri kelimpah nyadung tambai ngagai bala pengari komponen parti GPS.
Pengudah Miri, raban ti diketuaika Ketuai Raban Nembiak GPS lalu nyadi Ketuai Pejalai Ngemai Tambai GPS Gerald Rentap Jabu mega udah meleka ke Bintulu pagi kemari.
Sama datai Menteri Muda Nembiak enggau Lumba Datuk Snowdan Lawan, Sapit Speaker Aum Kunsil Nengeri (DUN) Datuk Gerawat Gala, Menteri Muda Kaunsil Kandang Menua Dr Penguang Manggil Menteri Muda Orang Indu, Ruang Bilik enggau Pemansang Anak Mit Rosey Yunus, ADUN Piasau Datuk Sebastian Ting ADUN Telang Usan Dennis Ngau, ADUN Lambir Ripin Lamat, sereta bala temua dipebasa bukai.