Tekat Bakun empu penuh perintah Sarawak
KENA 5 April 2018 nyadi sejarah ngagai rayat nengeri tu pengudah tekat hidroelektrik pemadu besai iya nya Tekat Hidroelektrik Bakun diserah perintah besai rasmi ngagai perintah nengeri.
Kelai pengawa nyerahka nya dikemujur Menteri Besai maya nya Datuk Seri Najib Tun Razak ba Bakun ngarika perintah besai ngagai Kepala Menteri Datuk Patinggi Abang Johari Tun Openg.
Tu bekau ari perintah nengeri nengah Sarawak Energy Berhad (SEB) udah nyapai sempekat deka ngambi semua atur pengawa mungkur ekuiti Sarawak Hidro Sdn Bhd (SHSB), pengempu enggau operator HEP Bakun ari Opis Menteri Wang enggau Komiti Tanah Perintah Besai kena March 2017.
Abang Johari ke mega Menteri Pengatur Pengeraja Asal enggau Rampa Menua nengah aum media kena 8 March madah, perintah nengeri udah nyapai sempekat ngambi baru kuasa ekuiti Sarawak Hidro Sdn Bhd (SHSB), menggi sereta ngatur pengawa HEP Bakun.
Iya mega madah serikat penuh perintah nengeri SEB deka bejalaika Tekat Bakun ke dipelaba berega RM2.5 bilion.
“Pengawa tu ngujungka perintah nengeri enggau SEB diatu nyadi pengempu penuh perengka guna elektrik di nengeri tu, udah nya nambahka pengulih ngatur pengawa ba sukut nyendiaka bekal elektrik di nengeri tu,” ku iya.
Nengah atur tu mega ku iya, SEB diatu ngembuan tiga tekat kuasa karan nyengkaum
“
Pengawa tu ngujungka perintah nengeri enggau SEB diatu nyadi pengempu penuh perengka guna elektrik di nengeri tu, udah nya nambahka pengulih ngatur pengawa ba sukut nyendiaka bekal elektrik di
” nengeri tu.
Datuk Patinggi Abang Johari Tun Openg
Ketua Menteri
Tekat Hidroelektrik Batang Ai enggau Tekat Hidroelektrik Murum.
Iya nengah aum meda ke sama madah Tekat Bakun endang sebagi ari pelin strategik Sarawak dikena ngemansang enggau negapka kuasa karan ke mayuh ba nengeri tu.
“Tu tentu deka mantu SEB nyungkak pengulih Sarawak dalam ngetanka kuasa jamin enggau penyikar ngatur pengawa ungkup HEP Bakun enggau Murum. PEMANSUT BESAI
Abang Johari nyemetak madah pemujur ngambi nya endang ngemegah nyadi sejarah besai ngagai perintah nengeri lalu tu mega deka ngemuntang SEB bejalaika pengawa enggau manah.
“Tu nyengkaum eksport kuasa karan ngagai menua se- piak, kelimpah neruska polisi ngurangka tating belanja ke ditapi rayat.
“Tu mega ngujungka Sarawak mujur nyadi pemansut besai kuasa (elektrik) ukai semina ba dalam menua, tang mega ba renggat rantau menua ti nyendia rega ke numbas,” ku iya.
Tekat Hidroelektrik Bakun ulih ngemansutka 2,400 megawatt (MW) kuasa karan ba adap ulu Sungai Rajang meraka Sungai Balui, 37 kilometer ari pasar Belaga, ke mega stesyen kuasa hidroelektrik pemadu besai ba menua tu enggau rega RM2.5 bilion.
Projek Tekat Hidroelektrik Bakun berengkah 1986 tang tejanggal dua kali ketegal penanggul ekonomi lalu pengawa nya disambung baru kena 1993 sebedau ke tejanggal baru kena 1997 laban penanggul ekonomi.
Kena Mei 2000, perintah besai ngambi projek lalu meli kuasa menggi Bakun Hydroelectric Corporation lalu neruska projek nya ari serikat perintah nengeri iya nya Sarawak Energy Berhad (SEB).
Kena 8 Mac 2017 Perin- tah Nengeri Sarawak engga Opis Menteri Wang Malaysia setuju meri kuasa 100 peratus saham Sarawak Hidro Sdn Bhd (SHSB) ngagai bejalaika HEP Bakun nengah kompen SEB.
HEP Bakun endang sebuah ari tekat batu dikelinggi semin peninggi 205 meter iya nya tekat pemadu tinggi ba Malaysia lalu lumur dua tingg ba dunya.
Ukai semina nya, Tekat Bakun mega ngembuan tasik gaga ke dikelinggi kampung pemadu besai nyadi palan ke manah ditapatka temuai.