Chukai dagang produk petroleum ke pemaik pemansang Sarawak
Menteri Datuk Patinggi Abang Johari Tun Openg udah ngaga pemutus ti ngenyitka semua peranak nengeri tu lebuh pengawa bejuraika Bajet Sarawak kena 5 November 2018. Ukai semina iya udah mantaika bajet ti nyadi sejarah ari sukut penyampau agih belanja, tang mega udah madahka perintah Sarawak deka meri kelala chukai baru – chukai dagang ungkup produk petroleum iya nya sepenyampau lima peratus.
Baka ti ditemu semua, Sarawak iya nya nengeri pengeluar besai dalam industri minyak enggau gis dalam menua tu.
Sarawak mega dipadahka nerima royalti minyak lima peratus ari perintah besai asil ari pengawa ngulihka minyak enggau gis.
Nya enda umbas dikena nangkup peminta sebuah nengeri ti sebaka pemesai enggau Semenanjung. Pia mega, udah tentu enda setipak nyema semina ngarapka agih belanja ti diberi ngagai Sarawak nengah Bajet 2019 ti udah dibantaika perintah besai. Produk petroleum berengkah bisi chukai kenyau ari 1 Januari 2019 nyengkaum minyak mata, gis asli, ‘gas asli cecair’ (LNG), baja kimia enggau gis ungkup produk ai (cecair).
“Asil penatai pemisi diperambu deka diterima nengah pengawa meri chukai dagang ba produk petroleum tu iya nya dikira sepenyampau RM3.897 bilion ba taun 2019,” ku Abang Johari maya aum Kunsil Nengeri (DUN) Sarawak, November 2018.
Penatai pemisi perintah nengeri ti pemadu baru tu deka dikena ngelengkaska proses pemansang di selampur Sarawak ke endang nyadi juluk besai perintah ari baruh pegai Abang Johari – ti neruska pengawa ke digaga bala ketuai sebedau tu.
Chukai baru tu endang sah nitihka undang-undang baka ti udah ditulis dalam Jadual 10, Bahagian V(7), Perlembagaan Persekutuan.
Berindik ari pemutus nya, bisi mega raban bukai ti madahka nya deka meri empas ngagai rega produk petroleum. Tang, kebendar nya nadai.
Nitih ku Abang Johari, chukai ti diberi tu semina ba produk ti kena eksport.
“Raban pengemeran industri ngumbai barang mata (ti dijual) ngagai loji ‘gas asli cecair’ (LNG) deka diberi chukai ba ikas lima peratus, udah nya deka diberi chukai lima peratus baru maya udah diasilka LNG lalu dieksport, tang kebendar enda bansa nya,” ku Kepala Menteri ti diambi ari ripot berita maya 15 Disember 2018.
Bisi mega raban bukai ti ma- dahka chukai nya baka ti e n d a ulih besemekih, ti diirauka sida deka ngeruga peluang raban penanam puku ari menua luar dalam industri minyak enggau gis ngagai menua tu.
Negika hak perintah Sarawak dalam meri chukai tu, Abang Johari nengah ripot berita kena 3 Januari 2019 ti madahka, nyema chukai nya ulih ngeruga industri, chukai ti diberi perintah besai ba minyak enggau gis iya nya 38 peratus patut diturunka ngagai 33 peratus dikena nyemelaka chukai lima peratus ti ditetapka perintah Sarawak.
Nengah buah runding iya, endang enda ngena nyema Sarawak nejuka hak nengeri tu dalam pekara bekaul enggau chukai, laban asil nya ila deka dikena ungkup ngemansangka Sarawak, kelebih agi enggau bemacham projek sereta program pemansang ti udah
Nengah Bajet 2019 Abang Johari udah ngagihka RM11.91 bilion ti lebih ag diungkup ngagai ungkus belanja pemansang.
S e p e n y a m p a u RM9.073 bilion udah diagih ungkup pemansang ti mekuh ngaga pengawa ngelengkaska proses pemansang di kandang menua pesisir. Tagit besai perintah iya nya deka ngerapitka seraka pemansang entara mengeri enggau kandang menua pesisir.
Lalu tu endang nyata, nengah pengawa meri chuka baru tu batang tuju perintah Sarawak iya nya dikena nambahka belanja perintah t deka dikena bejalaika projek pemansang.
Kelimpah ari chukai ba produk petroleum, chuka bukai ti bisi diberi perintah nyangka deka ngasilka penata pemisi urung RM5.268 bilion tauka 50 peratus ari perambu penyampau semua penata pemisi ba taun 2019.
Perambu penatai pemis perintah ba taun 2019 iya nya RM10.513 bilion, iya nya nambah sepenyampau RM3.547 bilion enti dibandingka enggau perambu penata pemisi ti dipansik baru iya nya RM6.966 bilion ba taun 2018.
“Tu iya nya keterubah Sarawak diperambu nyapa asil penatai pemisi ti besai iya nya lebih ari RM10 bilion. Penatai pemisi tu endang beguna dikena nentuka kitai nyingkang ke mua enggau langkar pemansang ti meri pemaik ungkup peranak Sarawak,” ku Abang Johari.
“
Tu iya nya keterubah Sarawak diperambu nyapai asil penatai pemisi ti besai iya nya lebih ari RM10 bilion. Penatai pemisi tu endang beguna dikena nentuka kitai nyingkang ke mua enggau langkar pemansang ti meri pemaik ungkup
” peranak Sarawak.
Datuk Patinggi Abang Johari Tun Openg
Kepala Menteri