Jeman baru betanam betupi Sarawak bepelasarka digital
Menteri Datuk Patinggi Abang Johari Tun Openg nagit deka nempa Sarawak nyadi pengeksport besai asil enggau produk betanam betupi bekualiti tinggi dikena nangkup peminta ukai semina ba dalam, tang mega ari menua luar nengah ubah sektor betanam betupi.
Ungkup tuju nya, perintah Sarawak deka ngubah baru chara betanam betupi ngena chara moden nengah chara ngiga chara baru ke lebih inovatif sereta mungkup semua ungkup pemansang sektor tu di Sarawak. Bejaku rambau bejadika Sarawak AgroFest 2018 ba laman Palan Aum Penview (PCC) ditu kena Oktober tu tadi, Abang Johari madah Sarawak nagit deka ngaga nengeri tu nyadi pemansut besai pemakai manggai taun 2030.
Iya andal sektor betanam betupi ke suba diubah nengah enam pekara pugu nyadi atur ke dititih.
Enam pekara pugu tu mungkup sukung raban korporat, nempa orang dagang bumai, ngaga Palan Ngumpul, Nginjin enggau Mungkus (CPPC), nambahka infrastruktur menua pesisir, nyendiaka belanja penyampau RM200 juta ungkup bala padagang orang bukai meri penyedar pasal pemesai guna betanam betupi.
“Tu mih entara strategi dikena ngemansangka sektor betanam betupi kitai lalu nama ke patut digaga diati iya nya patut ransing sereta puh ngemansangka sektor betanam betupi kitai.
“Aku laban ke nyadi Kepala Menteri deka terus berundingka chara ke lebih inovatif dikena ngemansangka sektor betanam betupi kitai nyadi nengeri pemansut besai pemakai manggai 2030,” ku iya. TAMAN AGRO
Ba pengawa nyapai juluk nyadi pemansut besai produk pemakai ba menua tu sereta ngangkatka betanam betupi moden, Taman Agro deka ditumbuh ba sekeda endur ti bisi penau.
Ku Sapit Kepala Menteri Datuk Amar Douglas Uggah Embas rambau aim Kunsil Nengeri bulan Julai nyin tadi, empat Taman Agro deka ditumbuh iya nya dua di Sarikei, siti ba Samarahan enggau siti agi ba Saribas.
Ku iya, perintah nengeri mega udah ngemendarka lima agi Taman Mendam Pemansut Pemakai (TKPM) deka dikemansang dudi hari bekau timbal ke manah ari bala nembiak.
Naka tu, empat TKPM udah dikemansang ba serata nengeri tu iya nya ba i Rampangi, Pejiru enggau Semenggok di Kuching sereta Kabuloh di Miri.
“Ari empat TKPM ke dibuka diatu, urung 53 peratus pesereta endang sida ke nembiak lalu penatai pemisi ninting bulan sida manggai RM4,500 dan lalu nyadi penatai pemisi ke pemadu besai dirikod iya nya RM350,000,” ku iya.
Taman Agro nya nyadi tambah ngagai model pemansang TKPM ke udah nempa mayuh pekebun moden nembiak ke udah mujur. PALAN NGUMPUL, NGINJIN ENGGAU MUNGKUS (CPPC)
Dikena negapka pengawa ngelakuka asil betanam betupi, perintah udah madah kena Mei 2017 agih RM8 juta dikena numbuhka empat CPPC nyengkaum ba Tarat, Serian, Stesyen Betanam Betupi Penuh Layar enggau Betong.
Agih diberi dikena numbuh- ka palan tu ungkup bala pekebun ngumpul asil betanam betupi sida enggau dieksport ngagai makit luar. TAMAN MENDAM PEMANSUT PEMAKAI (TKPM)
Rambau Aum Kunsil Nengeri (DUN) Mei 2017, Menteri Muda Betanam Betupi Dr Abdul Rahman Ismail madah, TKPM Rampangi entara tiga sitak bari TKPM ke benung dikemansang, kelimpah Penipah di Mukah enggau Pejiru di Bau.
Lapan agi sitak TKPM benung dalam perambu nyengkaum TKPM Debak di Betong ke dipelaban dibuka manggai 2020.
Projek TKPM di Sarawak nagit mansut asil betanam betupi urung 10,000 tan metrik enggau rega RM18 juta setaun lalu deka mungkur 165 orang dagang bumai enggau pemesai tanah dikemansang 729 hektar.
Sarawak mega ngemeran teknologi moden enggau digital nyengkaum fertigasi, betanam betupi pintar enggau inseminasi digaga (AI) dikena nyungkak pemansut asil ngagai standard kualiti lebih agi nangkup peminta makit eksport.
Sistem Internet ungkup semua (IoT) dikena ba TKPM Rampangi, Kuching dikena nyaga enggau matau aktiviti betanam betupi ngaga TKPM keterubah nunda chara engkeman betanam betupi penuh di Sarawak.
Sapit Kepala Menteri Datuk Amar Douglas Uggah Embas madah, pengawa ngena sistem IoT nya seriris enggau misyen Kepala Menteri Datuk Patinggi Abang Johari Tun Abang Openg ngubah sektor betanam betupi konvensional ngagai chara betanam ke bepelasar teknologi pintar.
“Tu beguna amat laban Kepala Menteri deka meda kitai nyingkang ngagai pengawa eksport produk pemakai lalu deka utai ke dieksport nitihka standard gempung entarabansa,” ku Uggah seraya madah, TKPM Rampangi deka nyadi model ngagai TKPM bukai jemah ila. NGEMANSANG KAPASITI GEREMPUNG ORANG BUMAI
Abang Johari kena Apri 2017 udah madah deka ngungkupka agih urung RM20 juta dikena indu opis Gerempung Orang Bumai Sarawak di Kota Samarahan.
Iya madah agih belanja RM20 juta dikena ngaga indu opis orang bumai ba nenger ba tanah kira tiga ekar digaga ngena pelin ke baru sereta disikap enggau perengka Teknologi Pemadah enggau Penyambung (ICT).
“Itu deka nyadi atur keterubah kitai ngaga Gerempung orang Bumai nyadi palan ngumpul asil betanam betup sebdau iya diagih ngagai makit luar,” ku iya. MELANJA PEMANSANG BETANAM BETUPI
Laban ke nyadi atur ngenegap pelin dagang betanam betupi, Sarawak nyendiaka belanja ngagai pekebun sida ke kena bungkur industri nya sereta dikena ngemansangka raban pedagang ba bidang betanam betupi di menua pesisir.
Agih RM100 juta nya dipadahka Kepala Menteri kena Julai 2017 nyadi alternatif mantu raban ke udah ditagit nyungkak penatai pemisi diri