Teknologi moden nyungkak ubah betanam betupi Sarawak
nagit nyadi pengeksport besai asil produk betanam betupi dikena nangkup peminta ba makit dalam menua enggau global.
Juluk nya ulih japai nengah ubah betanam betupi ngagai chara moden, besemekih enggau chara baru, nambah penatai pemisi dagang baru ke lebih inovatif sereta nyendia mayuh pengawa puang.
Sektor betanam betupi patut dikemansang sereta diangkat nguna teknologi pemadu baru.
Urung RM315 juta diperambu deka diguna ba taun 2019 ungkup program pelin neresa enggau ngenegapka pelin dagang ba sektor betanam betupi.
Kelimpah nya, pemansang industri betanam betipi nyengkaum Penumbuh Taman Pemansut Pemakai mengkang ba sekeda bagi menua, baka Taman Agro di Samarahan enggau Sarikei, Projek fertigasi di Mukah sereta program Pemansang betanam betupi padi, buah, getah, minyak sawit, sayur enggau daun babas.
Program- program Pemansang Menua Pesisir mungkur pemansang palan pemansang kampung mega deka dipejalai, seriris enggau pengawa berikan ba darat, akuakultur, betanam betupi enggau projek pasal veterinar.
Promosi enggau pelajar betanam betupi mega nagit nyungkak chara enggau infrastruktur betanam betupi. INISIATIF TRANFORMASYEN
MoU enggau serikat swasta
• Dikena nyapai juluk nyadi pemakai besai ngagai makit dunya manggai taun 2030, Perintah Nengeri kena 23 April 2018 udah nyain dua Sempekat Pemeri Ati (MoU) enggau Top Fruits (Sarawak) Sdn Bhd sereta Rimbunan Hijau Sdn Bhd dalam ngemansangka sektor betanam betupi baka industri rian enggau madu kelulut.
Kena 5 Oktober 2018, Sarawak nyain MoU enggau Banana Tree Sdn Bhd dalam ngemansangka industri pisang, Saramanis Sdn Bhd ungkup nanas enggau Sea Horse Corporation ungkup undang.
RM2.5 juta ungkup nanam rian Musang King di Betong
• Perintah nagit ngempu urung 50,000 pun ba sital Parlimen Betong mungkur Bukit Saban, Saribas enggau Layar.
Naka tu, urung 1,000 paung udah disadung ngagai pekebun ba sitak Paku enggau Beduru.
Pelin mega benung digaga dikena ngemansang enggau ngelakuka rian chap Sarawak ari bansa rian di menua tu.